ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან
მთავარი

ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან

ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან
ipn

2017-10-13 14:04:04

პრეზიდენტის საპარლამენტო მდივანი ანა დოლიძე მიიჩნევს, რომ ”ქართულმა ოცნებამ” ვერ შეძლო დაერწმუნებინა ვერც ვენეციის კომისია, ვერც ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან.

ანა დოლიძემ განცხადება პარლამენტში გააკეთა, სადაც ის დეპუტატებს საკონსტიტუციო ცვლილებების პროექტზე პრეზიდენტის მოტივირებულ შენიშვნებს აცნობს.

მისივე თქმით, რომელიმე პარტიის დამცირების გარეშე უნდა ითქვას, რომ 5-ს ჯობია 20 და კონსენსუსის დროს ეს არის მთავარი.

”მხოლოდ ჩვენი შენიშვნა არ არის, რომ ეს არის ერთპარტიული დოკუმენტი. რატომღაც თქვენ ვერ შეძელით დაგერწმუნებინათ ვერც ვენეციის კომისია, ვერც ევროკავშირი, ვერც NDI, რომ ის ხუთი პარტია, რომელიც არის თქვენთან გაერთიანებული და რომლის წარმომადგენლებიც იყვნენ თქვენს პარტიულ სიაში არჩევნებზე, დამოუკიდებელი სუბიექტები არიან. ამასთან დაკავშირებით, სამწუხაროდ, თქვენ დაგჭირდებათ არა მხოლოდ ჩვენი, არამედ უამრავი საერთაშორისო ორგანიზაციის დარწმუნება, რომ ეს არ არის ერთპარტიული კუთვნილების დოკუმენტი. იქიდან გამომდინარე, რომ საქართველოში აღარ დარჩა სასუნთქი ჰაერი, ტროტუარები, აღარ არის პარკები, სადაც დედები გაიყვანენ შვილებს ჰაერზე, უზარმაზარი კამპანიაა ატეხილი, რომ ხალხი იხრჩობა, მე პირველი ვიქნებოდი, ვინც მხარს დაუჭერდა იმას, რომ ”მწვანეთა პარტია” ყოფილიყო ნამდვილი პარტია, მაგრამ სამწუხაროდ ეს ასე არ არის”, - განაცხადა ანა დოლიძემ.

პრეზიდენტის საპარლამენტო მდივნის თქმით, არავის მატებს ღირსებას სხვა პარტიის დამცირება, მისი წევრების რაოდენობის გამო.

”მე არ ვფიქრობ, რომ თქვენს მანდატს ღირსებას მატებს რომელიმე პოლიტიკური პარტიის დამცირება, ეყოლება მას ერთი თუ 100 წევრი. დიახაც, ჩვენ არ ვიტყვით, რომ 5 კარგია, ან 20 კარგია, ჩვენ ვუერთდებით ვენეციის კომისიის განცხადებას, რომელიც გამოთქვამს მწუხარებას მოლაპარაკების ჩაშლის შედეგის შესახებ და ხაზს უსვამს წინა პოზიციას, რომ ძირითადი კონსტიტუციური რეფორმა უნდა გატარდეს რაც შეიძლება ფართო კონსენსუსით. იმის გარეშე, რომ არ დავამციროთ რომელიმე ოპოზიციური პარტია, რომელსაც შეიძლება ჰქონდეს უდიდესი საუკუნოვანი პოლიტიკური ისტორია, მე მაინც ვიტყოდი, 5-ს ჯობია 20. უნდა შექმნილიყო საშუალება დიალოგის, არ გავჩერებულიყავით ხუთზე და ამ პროცესში უნდა ჩართულიყო რაც შეიძლება მეტი პარტია. მით უმეტეს, რომ ის ხუთი, რომელიც არის წარმოდგენილი, გაერთიანებულია ერთი პოლიტიკური პლატფორმის ქვეშ”, - აღნიშნა ანა დოლიძემ.


 
საპარლამენტო დელეგაციის ინიციტივით, ოლივერ უორდროპის საფლავზე მემორიალის გახსნის ცერემონიალი ჩატარდა

საპარლამენტო დელეგაციის ინიციტივით, ოლივერ უორდროპის საფლავზე მემორიალის გახსნის ცერემონიალი ჩატარდა

ირაკლი კობახიძე ებრაელ ხალხს ხანუქას დღესასწაულს ულოცავს

ირაკლი კობახიძე ებრაელ ხალხს ხანუქას დღესასწაულს ულოცავს

თსუ: კახა ბექაურის დიპლომი გათანაბრებულია მაგისტრის ხარისხთან და სრულად აკმაყოფილებს მაუწყებლობის შესახებ კანონს

თსუ: კახა ბექაურის დიპლომი გათანაბრებულია მაგისტრის ხარისხთან და სრულად აკმაყოფილებს მაუწყებლობის შესახებ კანონს

პირადად მე, ჩვენს პოლიტიკურ გუნდთან ერთად, ვარ გარანტი, რომ ამ ქვეყანაში კანონზე მაღლა ვერავინ დადგება

პირადად მე, ჩვენს პოლიტიკურ გუნდთან ერთად, ვარ გარანტი, რომ ამ ქვეყანაში კანონზე მაღლა ვერავინ დადგება

ბექაური: „გვარამიას ალბათ ნოსტალგია აქვს და სურს, რომ მედია მისი ტერორის ქვეშ იყოს”

ბექაური: „გვარამიას ალბათ ნოსტალგია აქვს და სურს, რომ მედია მისი ტერორის ქვეშ იყოს”

პარლამენტი ხვალ 2018 წლის სახელმწიფო ბიუჯეტის პროექტს დაამტკიცებს

პარლამენტი ხვალ 2018 წლის სახელმწიფო ბიუჯეტის პროექტს დაამტკიცებს

კრიზისების მართვის საბჭო მხოლოდ პრეზიდენტთან ქიშპობის გამო იყო თავის დროზე შექმნილი, რომელმაც 15 მილიონ ლარამდე გაფლანგა

კრიზისების მართვის საბჭო მხოლოდ პრეზიდენტთან ქიშპობის გამო იყო თავის დროზე შექმნილი, რომელმაც 15 მილიონ ლარამდე გაფლანგა

„ბრავო რეკორდსის" პრეზიდენტი: კახა ბექაური ერთ-ერთი გამორჩეული თავმჯდომარეა

„ბრავო რეკორდსის" პრეზიდენტი: კახა ბექაური ერთ-ერთი გამორჩეული თავმჯდომარეა

სარეკლამო ბანერი
1000 X 80