„თვალნათლივ გამოჩნდა თუ რამდენად დიდია საქართველოს როლი მსოფლიო ტურიზმის განვითარების მხრივ“

გაუფრთხილდი თავს

ნარკოტიკი კლავს!

გაუფრთხილდი სხვას

მთავარი

„თვალნათლივ გამოჩნდა თუ რამდენად დიდია საქართველოს როლი მსოფლიო ტურიზმის განვითარების მხრივ“

„თვალნათლივ გამოჩნდა თუ რამდენად დიდია საქართველოს როლი მსოფლიო ტურიზმის განვითარების მხრივ“
for.ge

2017-09-14 13:59:12

ტურიზმის მსოფლიო ორგანიზაციის (UNWTO) ახლად არჩეული გენერალური მდივანი ზურაბ პოლოლიკაშვილი მიიჩნევს, რომ მისი არჩევა საქართველოს გამარჯვებაა.

მისივე თქმით, თვალნათლივ გამოჩნდა თუ რამდენად დიდია საქართველოს როლი მსოფლიო ტურიზმის განვითარების მხრივ.

”ეს არის ძალიან დიდი გამარჯვება ჩვენი ქვეყნის და ვფიქრობ, რომ ძალიან კარგად და თვალნათლივ გამოჩნდა თუ რამდენად დიდია საქართველოს როლი მსოფლიო ტურიზმის განვითარების მხრივ. ვფიქრობ, რომ ძალიან მნიშვნელოვანი და ისტორიული დღე არის. ეს არის პირველ რიგში ჩვენი ქვეყნის მნიშვნელოვანი გამარჯვება“, - განაცხადა ზურაბ პოლოლიკაშვილმა.

ახლად არჩეულმა გენერალურმა მდივანმა მადლობა გადაუხადა პირველ რიგში ორგანიზაციის მოქმედ გენერალურ მდივანს, ტალებ რიფაის და წევრ სახელმწიფოებს მხარდაჭერისა და გამოცხადებული ნდობისთვის და წევრი სახელმწიფოების ერთიანობის მნიშვნელობას გაუსვა ხაზი.

”დიდი მადლობა თითოეულ წევრ სახელმწიფოს, მინდა დაგპირდეთ, რომ ეს არ არის მხოლოდ ჩემი გამარჯვება, ეს ამ ორგანიზაციის გამარჯვებაა. გპირდებით, რომ ჩვენ ერთად ბევრი რამ გვაქვს გასაკეთებელი. ჩვენ ვართ ერთად, ჩვენ ვართ ძმები, დები, ბევრმა ქვეყანამ აღნიშნა ეს და იმედი მაქვს, რომ ჩვენ ვიმუშავებთ ერთად, ჩვენ ბევრი გვაქვს გასაკეთებელი”, - აღნიშნა პოლოლიკაშვილმა.

ზურაბ პოლოლიკაშვილმა მხარდაჭერისთვის მადლობა გადაუხადა საქართველოს მთავრობას - პრემიერ-მინისტრს, გიორგი კვირიკაშვილს და ვიცე-პრემიერ მინისტრს, საგარეო საქმეთა მინისტრს მიხეილ ჯანელიძეს.

”პირადად დიდი მადლობა მინდა გადავუხადო ჩვენს პრემიერ-მინისტრს. მისი და ჩვენი საგარეო საქმეთა მინისტრის თაოსნობით განხორციელდა ეს მართლაც რომ ძალიან დიდი მიღწევა. ამ პროცესში იყო ჩართული ძალიან ბევრი ადამიანი. რომ არა ასეთი ერთსულოვნება და ერთად დგომა, ძალიან რთული იქნებოდა ამ ძალიან დიდი მიზნის მიღწევა“, - განაცხადა მან.

აღსანიშნავია, რომ ეს არის პირველი შემთხვევა, როდესაც საქართველოს კანდიდატი საერთაშორისო ორგანიზაციის მაღალი ხელმძღვანელის პოზიციას დაიკავებს. ახალი გენერალური მდივნის დამტკიცება UNWTO-ს გენერალური ასამბლეის 22-ე სესიის ფარგლებში მოხდა, რომელიც ჩინეთში, ქ. ჩენგდუში იმართება.

პოლოლიკაშვილი მსოფლიო ტურიზმის ორგანიზაციის გენერალური მდივანი გახდა.
ახალი სახეები გამოჩნდება, ალბათ, თუმცა რა რაოდენობით, ვინ, კონკრეტული გვარები, ამასთან დაკავშირებით, არ გვიმსჯელია

ახალი სახეები გამოჩნდება, ალბათ, თუმცა რა რაოდენობით, ვინ, კონკრეტული გვარები, ამასთან დაკავშირებით, არ გვიმსჯელია

ვფიქრობ, პრემიერს უნდა მივცეთ უფლება, რომ თავად წარმოადგინოს კონსულტაციების შეჯამებული ვერსია

ვფიქრობ, პრემიერს უნდა მივცეთ უფლება, რომ თავად წარმოადგინოს კონსულტაციების შეჯამებული ვერსია

ყველა თემაზე პრაქტიკულად შევთანხმდით, საბოლოო გადაწყვეტილებას პრემიერ მინისტრი, სავარაუდოდ, მომავალი კვირის დასაწყისში გამოაცხადებს

ყველა თემაზე პრაქტიკულად შევთანხმდით, საბოლოო გადაწყვეტილებას პრემიერ მინისტრი, სავარაუდოდ, მომავალი კვირის დასაწყისში გამოაცხადებს

მედიაში სამინისტროების გაერთიანებებთან დაკავშირებით გასულ ინფორმაციას აქვს საფუძველი

მედიაში სამინისტროების გაერთიანებებთან დაკავშირებით გასულ ინფორმაციას აქვს საფუძველი

თბილისის მერიის ორგანიზებით, გორის ქალთა გუნდის კონცერტი გაიმართა

თბილისის მერიის ორგანიზებით, გორის ქალთა გუნდის კონცერტი გაიმართა

პრემიერისა და უმრავლესობის წევრების შეხვედრაზე განხილვის ერთ-ერთი საკითხი დევნილთა სამინისტროსთან დაკავშირებული ახალი იდეა იქნება

პრემიერისა და უმრავლესობის წევრების შეხვედრაზე განხილვის ერთ-ერთი საკითხი დევნილთა სამინისტროსთან დაკავშირებული ახალი იდეა იქნება

დედაქალაქის მერმა ლორთქიფანიძის ქუჩის სარეაბილიტაციო სამუშაოები დაათვალიერა

დედაქალაქის მერმა ლორთქიფანიძის ქუჩის სარეაბილიტაციო სამუშაოები დაათვალიერა

კახა კალაძე კომპანია „სვეტის“ მენაშენეებთან შეხვედრისთვის მზად არის

კახა კალაძე კომპანია „სვეტის“ მენაშენეებთან შეხვედრისთვის მზად არის

სარეკლამო ბანერი
1000 X 80