კახა კალაძემ დიდუბის მოსახლეობას თბილისის საკრებულოს მაჟორიტარი დეპუტატობის კანდიდატები წარუდგინა
მთავარი

კახა კალაძემ დიდუბის მოსახლეობას თბილისის საკრებულოს მაჟორიტარი დეპუტატობის კანდიდატები წარუდგინა

კახა კალაძემ დიდუბის მოსახლეობას თბილისის საკრებულოს მაჟორიტარი დეპუტატობის კანდიდატები წარუდგინა
for.ge

2017-09-13 20:16:57

„ქართული ოცნება-დემოკრატიული საქართველოს“ თბილისის მერობის კანდიდატმა კახა კალაძემ დიდუბის მოსახლეობას დედაქალაქის საკრებულოს მაჟორიტარი დეპუტატობის კანდიდატები წარუდგინა. დიდუბის მაჟორიტარობისთვის „ქართული ოცნებიდან“ თარაშ შურღაია და ვლადიმერ ძნელაძე იბრძოლებენ.

კახა კალაძემ დიდუბის მოსახლეობასთან შეხვედრისას ვიზუალური სტანდარტების დაწესებაზე ისაუბრა და აღნიშნა, რომ განსაკუთრებული ყურადღება ფასადებსა და აბრებზე ქართული ანბანის გამოყენებას მიექცევა. ამ კონტექსტში მან განახლებული აღმაშენებლის გამზირის მაგალითი დაასახელა.

„ვაპირებთ ძველი თბილისის, ისტორიული ქუჩების მასშტაბურ რეაბილიტაციას, ვინაიდან ყველამ კარგად ვიცით, თუ რამდენად მნიშვნელოვანია ეს. ვაპირებთ, რომ ძველ თბილისში შემოვიტანოთ ახალი სიცოცხლე. ეს ყველაფერი კარგად დავინახეთ აღმაშენებლის გამზირის მაგალითზე, თუმცა განსაკუთრებული ყურადღება დაეთმობა მის ვიზუალურ მხარეს.

მე ამაზე რამდენჯერმე ვისაუბრე და არ დავიღლები საუბრით. ნამდვილად გულდასაწყვეტია ის, რომ რეაბილიტირებულ აღმაშენებელზე გაივლი და ქართული ასოების გარდა, ქართული წარწერების გარდა შეიძლებაყველა ენაზე იხილო დაფები. ჩვენ არავის ვეწინააღმდეგებით, ყველას აქვს უფლება ჩამობრძანდეს, ბიზნესი განახორციელოს, ხალხი დაასაქმოს, თუმცა ქართულ ანბანს, ქართულ ასოებს, ქართულ წარწერებს განსაკუთრებული ყურადღება დაეთმობა“,-განაცხადა კახა კალაძემ.

 „ქართული ოცნების“ თბილისის მერობის კანდიდატმა მოსახლეობასთან შეხვედრისას ხაზი გაუსვა დედაქალაქში ჯანსაღი ეკოლოგიის არსებობის მნიშვნელობას და აღნიშნა, რომ ეკოლოგია ვერ მოწესრიგდება მხოლოდ ერთი პროექტით. 

„ეს საკითხი კომპლექსურად უნდა მოგვარდეს. პირველ რიგში ვუზრუნველყოფთ ბაღებისა და სკვერების მოწესრიგებას. განხორციელდება „მუშტაიდის ბაღი“-ს სრული რეაბილიტაცია. გარდა ამისა, დედაქალაქის მერია უზრუნველყოფს 1400-მდე სკვერისა და პარკის მოვლას. ასევე რეაბილიტირდება თბილისის დენდროლოგიური პარკი და შეიქმნება ახალი მწვანე ზონები“,-განაცხადა კახა კალაძემ.


მისივე თქმით, ასევე დიდი ყურადღება დაეთმობა სატრანსპორტო პოლიტიკას. როგორც კახ აკალაძემ აღნიშნა,

გაიზრდება დედაქალაქში არსებული სამარშუტო ხაზების რაოდენობა, ხოლო მუნიციპალურ ტრანსპორტს 700- მდეახალი, თანამედროვე, ევროპული სტანდარტების ავტობუსი დაემატება.

დიდუბის მოსახლეობასთან გამართულ შეხვედრაზე კახა კალაძე კიდევ ერთხელ გამოეხმაურა მიწის გასხვისების საკითხს და აღნიშნა, რომ ქართული მიწა უცხოელებზე არ გაიყიდება. მისივე თქმით, შესაბამისი გადაწყვეტილების მიღება სწორედ „ქართული ოცნების“ გუნდის დამსახურებაა.

 
ვაზისუბნის დასახლებაში ახალი სკვერი გაიხსნა

ვაზისუბნის დასახლებაში ახალი სკვერი გაიხსნა

ნატო-ს სამხედრო კომიტეტის სხდომაზე საქართველოს საკითხზე იმსჯელეს

ნატო-ს სამხედრო კომიტეტის სხდომაზე საქართველოს საკითხზე იმსჯელეს

კახა კალაძე: მერიაში რეორგანიზაციის პროცესი დაწყებულია, კანონის შესაბამისად ვმოქმედებთ

კახა კალაძე: მერიაში რეორგანიზაციის პროცესი დაწყებულია, კანონის შესაბამისად ვმოქმედებთ

დე ფაქტო გენერალურმა პროკურატურამ მარეკ დუდაევის მკვლელობაში ბრალდებულის ვინაობა დაასახელა

დე ფაქტო გენერალურმა პროკურატურამ მარეკ დუდაევის მკვლელობაში ბრალდებულის ვინაობა დაასახელა

მთელი რიგი ნაბიჯებია გადასადგმელი იმისთვის, რომ ღამის ეკონომიკა განვავითაროთ

მთელი რიგი ნაბიჯებია გადასადგმელი იმისთვის, რომ ღამის ეკონომიკა განვავითაროთ

კახა კალაძე:  კომპრომისს ვერ დავუშვებთ, როდესაც საქმე ბავშვებს ეხება

კახა კალაძე: კომპრომისს ვერ დავუშვებთ, როდესაც საქმე ბავშვებს ეხება

დასავლეთ ბალკანეთის ქვეყნების სასაზღვრო პრობლემები იქამდე უნდა გადაწყდეს, ვიდრე ეს ქვეყნები შეძლებენ ევროკავშირის წევრები გახდნენ

დასავლეთ ბალკანეთის ქვეყნების სასაზღვრო პრობლემები იქამდე უნდა გადაწყდეს, ვიდრე ეს ქვეყნები შეძლებენ ევროკავშირის წევრები გახდნენ

ლოგიკურად პრეზიდენტის პოსტზე ორივე კანდიდატი - გიორგი კვირიკაშვილიც და დავით სერგეენკოც დასაშვებია

ლოგიკურად პრეზიდენტის პოსტზე ორივე კანდიდატი - გიორგი კვირიკაშვილიც და დავით სერგეენკოც დასაშვებია

სარეკლამო ბანერი
1000 X 80