ავარეთ-კახეთის გზის მშენებლობასთან დაკავშირებით კითხვის ნიშნები რომ მოიხსნას, ყველას ადგილზე ჩასვლას ვურჩევ
მთავარი

ავარეთ-კახეთის გზის მშენებლობასთან დაკავშირებით კითხვის ნიშნები რომ მოიხსნას, ყველას ადგილზე ჩასვლას ვურჩევ

ავარეთ-კახეთის გზის მშენებლობასთან დაკავშირებით კითხვის ნიშნები რომ მოიხსნას, ყველას ადგილზე ჩასვლას ვურჩევ
ipn

2017-07-17 18:34:18

ავარეთ-კახეთის გზის მშენებლობასთან დაკავშირებით კითხვის ნიშნები რომ მოიხსნას, ყველას ვურჩევ, ადგილზე ჩავიდნენ და ნახონ, ჩვენს ტერიტორიაზე გზის მშენებლობის რაიმე სამუშაო მიმდინარეობს თუ არა, - ამის შესახებ „ინტერპრესნიუსს“ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განუცხადა.

აბაშიძემ აღნიშნა, რომ საქართველოს მხრიდან დაღესტანში მშენებარე მაგისტრალის შემხვედრი პროექტის განხორციელება არ იგეგმება.

„ავარეთ-კახეთის გზის მშენებლობის თემა წელიწადში ერთხელ წამოიწევს ხოლმე, უფრო ზაფხულობით, მერე ერთი წლით დავიწყებას მიეცემა ხოლმე. ბოლო სამი წლის განმავლობაში ასეა. შემიძლია დაბეჯითებით გითხრათ, რომ ეს თემა არსად განხილულა და არავისთან არ განიხილება. ასეთი პროექტი საქართველოში არ არსებობს. რუსეთის ტერიტორიაზე, კერძოდ, დაღესტანში რა მშენებლობა მიდის, ამის შესახებ მე ვერაფერს მოგახსენებთ და არც მაქვს დეტალური ინფორმაცია. ზუსტად შემიძლია გითხრათ, რომ ჩვენს მხარეს, საქართველოს ტერიტორიაზე არანაირი შემხვედრი პროექტის განხორციელება არ იგეგმება. არც არსად არ ყოფილა ამ თემაზე საუბარი, არც შიგნით და არც გარეთ“, - განაცხადა აბაშიძემ.

ზურაბ აბაშიძის თქმით, ინფრასტრუქტურული სამუშაოების განხორციელება დაგეგმილია ყაზბეგის რაიონში, ლარსის მიმართულებით, როგორც საქართველოს, ისე რუსეთის მხრიდან.

ცნობისთვის, გასულ კვირას დაღესტნის საგზაო მშენებლობის სააგენტომ საკუთარ ოფიციალურ Facebook-გვერდზე გამოაქვეყნა ვიდეო, თუ როგორ აშენებენ "გუნიბის შოსეს - ვანტლიაშევსკის უღელტეხილს".

ავარეთ-კახეთის გზის მშენებლობის პროექტი XIX საუკუნიდან არსებობს. გარკვეული სამუშაოები ამ მიმართულებით ჩატარებული იყო, თუმცა პროექტი გაიყინა. 2014 წელს ინფორმაცია რუსეთ-საქართველოს დამაკავშირებელი ახალი, ავარეთ-კახეთის ავტომაგისტრალის მშენებლობის შესახებ დაღესტნის ავტოგზის პრესსამსახურის ხელმძღვანელმა ანდრეი ბონდარევმა გაახმაურა. მისი თქმით, ავტომაგისტრალის სიგრძე მთლიანად 83 კილომეტრი იქნება, გზამ 3 მთა უნდა გაიაროს, რისთვისაც 25 ხიდის და 5 გვირაბის აშენება იგეგმება და ეს იქნება იქნება უმოკლესი გზა საქართველოსთან დასაკავშირებლად. საქართველოს ხელისუფლებამ რუსეთთან დამაკავშირებელი ახალი მაგისტრალის მშენებლობის შესახებ ინფორმაცია იმთავითვე უარყო.
არჩილ თალაკვაძე:  პრეზიდენტის შენიშვნებს ყურადღებით განვიხილავთ

არჩილ თალაკვაძე: პრეზიდენტის შენიშვნებს ყურადღებით განვიხილავთ

სასამართლომ მოზარდებთან გარყვნილი ქმედების მომზადებისთვის ირანის ისლამური რესპუბლიკის მოქალაქეს 6 წლით თავისუფლების აღკვეთა მიუსაჯა

სასამართლომ მოზარდებთან გარყვნილი ქმედების მომზადებისთვის ირანის ისლამური რესპუბლიკის მოქალაქეს 6 წლით თავისუფლების აღკვეთა მიუსაჯა

ვანო ზარდიაშვილი: ყველგან კარგად იცის რატომ გააგდეს გია ხუხაშვილი

ვანო ზარდიაშვილი: ყველგან კარგად იცის რატომ გააგდეს გია ხუხაშვილი

როდესაც 7 ქალაქს ერთმევა თვითმმართველი ქალაქის სტატუსი, ეს აკნინებს თვითმმართველობის გაღრმავებასა და გაძლიერებას ქვეყანაში

როდესაც 7 ქალაქს ერთმევა თვითმმართველი ქალაქის სტატუსი, ეს აკნინებს თვითმმართველობის გაღრმავებასა და გაძლიერებას ქვეყანაში

პრეზიდენტმა “ადგილობრივი თვითმმართველობის კოდექსსა” და „საარჩევნო კოდექსში“ შესატან ცვლილებებს ვეტო დაადო

პრეზიდენტმა “ადგილობრივი თვითმმართველობის კოდექსსა” და „საარჩევნო კოდექსში“ შესატან ცვლილებებს ვეტო დაადო

აფგან მუხთარლის საქმე მხოლოდ მაშინ იქნება გამოძიებული, როდესაც „ქართულ ოცნებას“ ამის პოლიტიკური ნება გაუჩნდება

აფგან მუხთარლის საქმე მხოლოდ მაშინ იქნება გამოძიებული, როდესაც „ქართულ ოცნებას“ ამის პოლიტიკური ნება გაუჩნდება

პროკურატურის მტკიცებულებები იმდენად დასაბუთებული იყო, რომ ბრალდებულების ადვოკატებსაც არ ჰქონდათ მათზე დამაჯერებელი არგუმენტები

პროკურატურის მტკიცებულებები იმდენად დასაბუთებული იყო, რომ ბრალდებულების ადვოკატებსაც არ ჰქონდათ მათზე დამაჯერებელი არგუმენტები

გიორგი აბდალაძეს იმედი აქვს, რომ ფოტოგრაფებს სააპელაციო სასამართლოც უმოკლეს ვადაში გაამართლებს

გიორგი აბდალაძეს იმედი აქვს, რომ ფოტოგრაფებს სააპელაციო სასამართლოც უმოკლეს ვადაში გაამართლებს

სარეკლამო ბანერი
1000 X 80