„აეროსმიტის“ 20 მაისს დაგეგმილ კონცერტთან დაკავშირებით ბათუმში პრესკონფერენცია გაიმართა
მთავარი

„აეროსმიტის“ 20 მაისს დაგეგმილ კონცერტთან დაკავშირებით ბათუმში პრესკონფერენცია გაიმართა

„აეროსმიტის“ 20 მაისს დაგეგმილ კონცერტთან დაკავშირებით ბათუმში პრესკონფერენცია გაიმართა
for.ge

2017-05-19 18:37:39

პროექტ „check in Georgia”-ს ფარგლებში დაგეგმილი „აეროსმიტის“ კონცერტის გამართვამდე ერთი დღით ადრე საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და კომპანია „ბლექ სი არენა“ დირექტორმა ანი კავლელიშვილმა ბათუმში პრესკონფერენცია გამართეს. მათი განცხადებით, „აეროსმიტის“ გრანდიოზული კონცერტისთვის მზადება „ბლექ სი არენაზე“ დასრულებულია და ბენდის რაიდერით მოთხოვნილი ყველა ტექნიკული დეტალი მზად არის.

როგორც პრესკონფერენციაზე ითქვა, უმნიშვნელოვანესია ის ფაქტი, რომ ბილეთები ძალიან მცირე დროში, დაახლოებით სამ საათში გაიყიდა.  გაყიდულია 10 000-ზე მეტი ბილეთი.

ანი კავლელიშვილის განცხადებით, მაყურებლებისა და ტურისტებისათვის მეტი კომფორტის შექმნის მიზნით,  „ფონდი  ქართუს“ ხელშეწყობით დამთავრდა ბაქანის მშენებლობა „ბლექ სი არენას“ სიახლოვეს, რომელზეც გაჩერდება „საქართველოს რკინიგზის“ მიერ სპეციალურად check in Georgia”-ს  ღონისძიებებისთვის დანიშნული მატარებელი და მგზავრებს საშუალება ექნებათ ბაქნიდან პირდაპირ გადავიდნენ „ბლექ სი არენას“ საკონცერტო დარბაზში.

„საქართველოს რკინიგზის“ მიერ აეროსმიტის კონცერტისთვის დანიშნული მატარებლებზე მგზავრობის  ღირებულება ბიზნესკლასისთვის  10 ლარი, I კლასით მგზავრობისთვის 8 ლარი, ხოლო II კლასით მგზავრობა 6 ლარი იქნება.  I და II კლასით მგზავრობისას ბავშვებზე იმოქმედებს შეღავათიანი ტარიფი.

„ძალიან მნიშვნელოვანია ეს ღონისძიება ჩვენთვის. პროექტის  მიზანია გაიზარდოს ტურისტული ნაკადები, საქართველო გაიცნოს კიდევ უფრო მეტმა საინტერესო ადამიანმა და  დაჩექინდეს მეტი ვარსკვლავი საქართველოში. მგონი საუკეთესო სეზონის გახსნაა და მთელი წლის განმავლობაში ჩვენ ძალიან ბევრ საინტერესო, ქართულ და უცხოურ ღონისძიებებს გპირდებით“ - განაცხადა ანი კავლელიშვილმა.

პრესკონფერენციაზე კიდევ ერთხელ აღინიშნა, რომ პროექტი Check in  Georgia ხელს უწყობს საქართველოს ცნობადობის გაზრდას და დამატებითი პოზიტიური ფაქტორია ჩვენს ქვეყანაში  ჩამოსული ტურისტებისთვის, რომ  უკეთესი შთაბეჭდილებები მიიღონ.

„ყველა  ღონისძიება თუ სპორტული ასპარეზობა, რაც  Check in  Georgia-ს ფარგლებში ტარდება, იმ მიზანს ემსახურება, რომ   საქართველოში ჩამოსულ მილიონობით ტურისტს აქ მოგზაურობა კიდევ უფრო გავუხალისოთ და ისინი კარგი შთაბეჭდილებებით წავიდნენ ჩვენი ქვეყნიდან. ეს ქმნის საფუძველს, რომ    დამატებით ტურისტული ნაკადები მოვიზიდოთ ჩვენს ქვეყანაში. check in Georgia ძალიან საინტერესო პროგრამით წარსდგება როგორც ჩვენი თანამოქალაქეების, ასევე უცხოელი ტურისტების თვალწინ და მნიშვნელოვანია აღინიშნოს, რომ 2017 წელი იქნება ახალი რეკორდების წელიწადი უცხოეთიდან ტურისტების მოზიდვის თვალსაზრისით“ - განაცხადა გიორგი ჩოგოვაძემ.

დამატებითი ინფორმაცია: აეროსმიტის“ მენეჯმენტის მოთხოვნით, კონცერტს ესწრება მედიის წარმომადგენელთა შეზღუდული რაოდენობა. კონცერტს გადაიღებს მხოლოდ რამდენიმე კამერა და ფოტოგრაფი. „ ბლექ სი არენა “უზრუნველყოფს მასალის დაუყონებლივ მიწოდებას  ყველა მედიასაშუალებისთვის.

არენის ტერიტორიაზე აიკრძალება  ფოტოაპარატის შეტანა და ე.წ. „სელფის ჯოხის“ გამოყენება.

კონცერტის დღეს, „ბლექ სი არენას“ ტერიტორიაზე ხალხს შესვლის საშუალება 19:00 საათიდან ექნება; (Doors Open 19:00).

 

 

 

 

 

 

 

 

 

 
თითოეული ჩუქურთმა, თითოეული შენობა, რომელიც არის ერთი ქალაქის ფასი, უნდა შემოვინახოთ, აღვადგინოთ და მოვეფეროთ

თითოეული ჩუქურთმა, თითოეული შენობა, რომელიც არის ერთი ქალაქის ფასი, უნდა შემოვინახოთ, აღვადგინოთ და მოვეფეროთ

მიხეილ სააკაშვილის დაკავება უკრაინის შიდა საქმეა, რომელიც კანონიერი გზით უნდა გადაიჭრას

მიხეილ სააკაშვილის დაკავება უკრაინის შიდა საქმეა, რომელიც კანონიერი გზით უნდა გადაიჭრას

პაატა ბურჭულაძე პროკურატურაში დაიბარეს

პაატა ბურჭულაძე პროკურატურაში დაიბარეს

ყველას შეიძლება არ ესმოდეს, რომ გარემოს დაცვა საქართველოსთვის არის გადამწყვეტი მნიშვნელობის

ყველას შეიძლება არ ესმოდეს, რომ გარემოს დაცვა საქართველოსთვის არის გადამწყვეტი მნიშვნელობის

ხვალ რომ გავიღვიძებ, მინდა ვიყო ევროკავშირის წევრი, მაგრამ ვიცით, რომ ეს არ მოხდება ერთ დღე-ღამეში და მოხდება ძალიან დიდი შრომის ფასად

ხვალ რომ გავიღვიძებ, მინდა ვიყო ევროკავშირის წევრი, მაგრამ ვიცით, რომ ეს არ მოხდება ერთ დღე-ღამეში და მოხდება ძალიან დიდი შრომის ფასად

ალბათ, უფრო პოლიტიკური გადაწყვეტილებისკენ წავალთ, რომ პრეზიდენტი 2024 წლისათვის აირჩიოს საარჩევნო კოლეგიამ და არა მხოლოდ პარლამენტმა

ალბათ, უფრო პოლიტიკური გადაწყვეტილებისკენ წავალთ, რომ პრეზიდენტი 2024 წლისათვის აირჩიოს საარჩევნო კოლეგიამ და არა მხოლოდ პარლამენტმა

ევროკავშირი მხარს უჭერს იერუსალიმის სტატუსის გარშემო მიღწეულ საერთაშორისო კონსენსუსს

ევროკავშირი მხარს უჭერს იერუსალიმის სტატუსის გარშემო მიღწეულ საერთაშორისო კონსენსუსს

პირველი ვიცე-პრემიერი დიმიტრი ქუმსიშვილი ჩინეთის განვითარების ბანკის პრეზიდენტს შეხვდა

პირველი ვიცე-პრემიერი დიმიტრი ქუმსიშვილი ჩინეთის განვითარების ბანკის პრეზიდენტს შეხვდა

სარეკლამო ბანერი
1000 X 80