საფასური, რომელსაც „გაზპრომისგან“ მივიღებთ, იქნება ყველაზე ოპტიმალური, რაც ევროპულ პრაქტიკაში არსებობს
მთავარი

საფასური, რომელსაც „გაზპრომისგან“ მივიღებთ, იქნება ყველაზე ოპტიმალური, რაც ევროპულ პრაქტიკაში არსებობს

საფასური, რომელსაც „გაზპრომისგან“ მივიღებთ, იქნება ყველაზე ოპტიმალური, რაც ევროპულ პრაქტიკაში არსებობს
ipn

2017-01-11 20:34:16

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის, რომან კაკულიას აზრით, საქართველომ “გაზპრომთან” დაკავშირებით ოპტიმალური გადაწყვეტილება მიიღო.

როგორც მან ჟურნალისტებს განუცხადა, ენერგეტიკის სამინისტრომ საქართველოს ინტერესები მაქსიმალურად დაიცვა და ის მიღწეული შეთანხმების დრამატიზირების საფუძველს ვერ ხედავს.

”პირველ რიგში, უნდა გავითვალისწინოთ, რომ ჩვენ იმ ხელშეკრულებაზე ვსაუბრობთ, რომელიც დასრულდა. რუსეთი ყოველთვის მოითხოვდა სხვა პირობების დაყენებას, თუმცა ის არსებულ ხელშეკრულებას ვერ დაარღვევდა. მოთხოვნა კი იმას ნიშნავს, რომ რუსეთი არ აპირებდა ხელშეკრულების ძველი პირობებით გაგრძელებას. ჩვენს წინაშე არჩევანი ძალიან შეზღუდული იყო. იმის მიუხედავად, რომ ჩვენ საფასურს ბუნებრივი აირის გარეშე მივიღებთ, ეს საფასური იქნება ყველაზე ოპტიმალური, რაც ევროპულ პრაქტიკაში არსებობს. თუკი დამატებითი რესურსის საჭიროება დადგება, ჩვენ გვექნება ბუნებრივი აირის უკეთეს ფასად მიღების საშუალება. ამასთან, რუსეთის მიმართ ჩვენი დამოკიდებულება არანაირად არ იზრდება. ასე, რომ ვერანაირ ძირეულ ცვლილებას იმ პრიორიტეტებში, რომელიც ჩვენი მხრიდან იდგა, მე ვერ ვხედავ”, - განუცხადა ჟურნალისტებს რომან კაკულიამ.

დეპუტატი აღნიშნულ საკითხზე ”ნაციონალური მოძრაობის” წევრის, რომან გოცირიძის განცხადებასაც გამოეხმაურა და დასძინა, რომ „კრიტიკული საუბარი იმ ხალხისგან, ვინც საერთოდ გასხვისებას აპირებდა ამ ინფრასტრუქტურის, ცოტა გაუგებარია“.

”არ მესმის, რატომ არის ეს მოვლენა ასეთი ტრაგიზმით აღსავსე. ძალიან მინდა, რომ ოპოზიციის კრიტიკა ისეთი იყოს, საიდანაც მე თვითონ რაღაც პოზიტივის ამოღებას შევძლებ. მაგრამ ტრაგიკული საუბარი იმ ხალხისგან, ვინც საერთოდ გასხვისებას აპირებდა ინფრასტრუქტურის, ცოტა გაუგებარია”, - აღნიშნა რომან კაკულიამ.

სომხეთში გაზის ტრანზიტის სანაცვლოდ, ქართული მხარე „გაზპრომისგან“ გატარებული ბუნებრივი აირის მთლიანი მოცულობის 10%-ს იღებს. დღეს ცნობილი გახდა, რომ ქართული მხარე რუსეთიდან სომხეთში გაზის ტრანზიტის საფასურის გადახდის ფორმასთან დაკავშირებით „გაზპრომ ექსპორტის“ მოთხოვნას დათანხმდა. კერძოდ, საქართველო სომხეთში ბუნებრივი აირის ტრანზიტის სანაცვლოდ „გაზპრომისგან“ ფულად ანაზღაურებას მიიღებს. ახალი ხელშეკრულება ორწლიანი იქნება, რომლის თანახმად, პირველ წელს ნაწილობრივ ისევ რჩება ნედლეულით ანაზღაურების ფორმა, ხოლო შემდგომი წლიდან ფულადი ანგარიშსწორება გაგრძელდება.
ასამბლეის სტუმრობა გზავნილია, რასაც ერთ დღეს ალიანსში საქართველოს წევრობა მოჰყვება

ასამბლეის სტუმრობა გზავნილია, რასაც ერთ დღეს ალიანსში საქართველოს წევრობა მოჰყვება

მისისიპის შტატში მამაკაცმა რვა ადამიანი დაცხრილა

მისისიპის შტატში მამაკაცმა რვა ადამიანი დაცხრილა

ეჭვი არ მეპარება, რომ საქართველო მალე დიკავებს ადგილს ევროპული სახელმწიფოების ოჯახში

ეჭვი არ მეპარება, რომ საქართველო მალე დიკავებს ადგილს ევროპული სახელმწიფოების ოჯახში

ნატოს საპარლამენტო ასამბლეის საგაზაფხულო სესიის პოლიტიკური კომიტეტის სხდომა

ნატოს საპარლამენტო ასამბლეის საგაზაფხულო სესიის პოლიტიკური კომიტეტის სხდომა

ნატოს საპარლამენტო ასამბლეა დადებითად აფასებს საქართველოს როლს ევრო–ატლანტიკურ უსაფრთხოებაში

ნატოს საპარლამენტო ასამბლეა დადებითად აფასებს საქართველოს როლს ევრო–ატლანტიკურ უსაფრთხოებაში

ნატოს საპარლამენტო ასამბლეა  აღიარებს არსებითი პაკეტის იმპლემენტაციის პროცესში მიღწეულ შთამბეჭდავ პროგრესს

ნატოს საპარლამენტო ასამბლეა აღიარებს არსებითი პაკეტის იმპლემენტაციის პროცესში მიღწეულ შთამბეჭდავ პროგრესს

ნატო ითვალისწინებს მოკავშირე ლიდერების პოზიციას, რომ საქართველო გახდება ნატო-ს წევრი

ნატო ითვალისწინებს მოკავშირე ლიდერების პოზიციას, რომ საქართველო გახდება ნატო-ს წევრი

ნატო–ს საპარლამენტო ასამბლეა მტკიცედ უჭერს მხარს ალიანსში საქართველოს გაწევრიანების პროცესს

ნატო–ს საპარლამენტო ასამბლეა მტკიცედ უჭერს მხარს ალიანსში საქართველოს გაწევრიანების პროცესს

სარეკლამო ბანერი
1000 X 80