მთავარი

ნოდარ ხადური კომერციული ბანკების ხელმძღვანელებს შეხვდა

ნოდარ ხადური კომერციული ბანკების ხელმძღვანელებს შეხვდა
pirweli

2013-10-20 13:00:07

შეხვედრაზე ფინანსთა სამინისტრომ ბანკების წარმომადგენლებს რამდენიმე ინიციატივა გააცნო, რომელთა განხორციელების პროცესში საბანკო სექტორის მხარდაჭერა მნიშვნელოვანია. მათგან, განსაკუთრებით აქტუალურია ორი რეფორმა, რომელიც დაუბეგრავი მინიმუმის უკან დაბრუნების პროცედურებსა და საგადასახადო შემოსავლების აღრიცხვის ახალი მექანიზმის - ერთიანი სახაზინო კოდის შემოღებას ეხება.

"ძალიან მნიშვნელოვანია ერთიან სახაზინო კოდზე გადასვლა. ეს გაამარტივებს და გააიაფებს ანგარიშსწორებას სახელმწიფო ბიუჯეტთან. გადამხდელს აღარ ექნება უამრავ ანგარიშზე ჩასარიცხი თანხა - სახელმწიფო ბიუჯეტში თანხების გადახდა მოხდება ერთი გადარიცხვით, რითაც შეცდომისგან დაზღვეული იქნება როგორც საწარმოს ხელმძღვანელი, ისე ბუღალტერი. მნიშვნელოვანია ისიც,

რომ ინფორმაციაზე წვდომა იქნება გაცილებით მარტივი. რაც შეეხება დაუბეგრავ მინიმუმს - ეს პროექტი უპრეცედენტოა საქართველოსთვის. ჩვენ დაუბეგრავი მინიმუმის ცნება შემოვიღეთ მიმდინარე წელს და მომავალი წლის მეორე კვარტალში პირველად დავიწყებთ დაუბეგრავი მინიმუმის დაბრუნებას მათთვის, ვისი ხელფასიც თვეში 500 ლარზე ნაკლებია. ამ რეფორმების პროცესში გვაქვს ბანკების მხარდაჭერის იმედი. ყველა კომერციული ბანკი, ბანკების ასოციაცია, ასევე ეროვნული ბანკი, გვეხმარება, რათა მუდმივი კომუნიკაცია გვქონდეს. ვფიქრობ, ერთობლივად ჩვენ შევძლებთ ოპტიმალურად ჩამოვაყალიბოთ რეფორმები, რომელსაც ვახორციელებთ. ეს ეხება როგორც დაუბეგრავი მინიმუმის უკან დაბრუნებას, ისე ერთიანი სახაზინო კოდის შემოღებას", - განაცხადა ფინანსთა მინისტრმა ნოდარ ხადურმა.

"ბაზის ბანკის" გენერალური დირექტორის დავით ცაავას თქმით კი, მნიშვნელოვანია, რომ ფინანსთა სამინისტროსგან მოდის ინიციატივები, რომელიც გადამხდელებს ხელს შეუწყობს.

"კარგია, რომ სახაზინო კოდების სიმრავლე მცირდება და შესაბამისად, გადამხდელებს შესაძლებლობა ექნებათ ნაკლები ხარვეზებით მოხდეს ბიუჯეტთან ანგარიშსწორება. რაც შეეხება დაუბეგრავ მინიმუმს, ეს მნიშვნელოვანი დახმარებაა იმ ფენისათვის, ვისაც მწირი შემოსავალი აქვს", - განაცხადა ცაავამ.

თავის მხრივ, ბანკების ასოციაციის პრეზიდენტმა ზურაბ გვასალიამ აღნიშნა, რომ ორივე ინიციატიცა მასშტაბურია და საბანკო სექტორი ასეთ სახელმწიფო პროექტებში აქტიურად ჩაერთვება.

"საბანკო სექტორის მხარდაჭერის გარეშე მათი განხორციელება წარმოუდგენელია. საბანკო სექტორისათვის ყველა შეკითხვა მოხსნილია და ეს მოხდა ფინანსთა სამინისტროსთან აქტიური კოორდინაციით და ის მემორანდუმი, რომელიც მომავალში გაფორმდება, მუშაობისთვის ხელსაყრელი იქნება", - აღნიშნა გვასალიამ.

შეხვედრაზე ეროვნული ბანკის ვიცე-პრეზიდენტმა არჩილ მესტვირიშვილმა კომერციული ბანკების ხელმძღვანელებს ფინანსთა სამინისტროსა და ეროვნული ბანკის მიერ მომზადებული პროექტი გააცნო, რომელიც გრძელვადიანი სახაზინო ვალდებულებების თემას ეხება და ფასიანი ქაღალდების ბაზრის განვითარების ხელშეწყობას ისახავს მიზნად.

შეხვედრის მონაწილეები შეთანხმდნენ, რომ ყველა ამ მიმართულებით ფინანსთა სამინისტროსა და საბანკო სექტორს შორის უფრო აქტიური კომუნიკაცია შედგება, რათა რეფორმების ამოქმედებას ორივე მხარე მომზადებული შეხვდეს და მომავალში გადამხდელებს არ შეექმნათ სირთულეები, როგორც ტექნიკური ისე ინფორმაციული კუთხით.

 
გია ვოლსკი ლაშა თორდიას იმპიჩმენტს არ გამორიცხავს

გია ვოლსკი ლაშა თორდიას იმპიჩმენტს არ გამორიცხავს

“ახალი ლურჯზოლიანი სანომრე ნიშნები ერთ-ერთი წინგადადგმული ნაბიჯი იქნება ევროინტეგრაციის გზაზე”

“ახალი ლურჯზოლიანი სანომრე ნიშნები ერთ-ერთი წინგადადგმული ნაბიჯი იქნება ევროინტეგრაციის გზაზე”

გიორგი სიგუა თანამდებობიდან გაათავისუფლეს

გიორგი სიგუა თანამდებობიდან გაათავისუფლეს

“ეს ჩემს დროს არ მომხდარა და ამიტომ საკითხი არ შემისწავლია”

“ეს ჩემს დროს არ მომხდარა და ამიტომ საკითხი არ შემისწავლია”

სექტემბრიდან საქართველოში ახალი სახალხო პროგრამა ამოქმედდება

სექტემბრიდან საქართველოში ახალი სახალხო პროგრამა ამოქმედდება

პროკურატურა მიხეილ სააკაშვილის ბრალთან დაკავშირებით არსებულ მტკიცებულებებზე განცხადებას ავრცელებს

პროკურატურა მიხეილ სააკაშვილის ბრალთან დაკავშირებით არსებულ მტკიცებულებებზე განცხადებას ავრცელებს

პროკურატურა „რუსთავი 2“-ს და განათლების სამინისტროს შორის 2012 წელს დადებულ ხელშეკრულებებს სწავლობს

პროკურატურა „რუსთავი 2“-ს და განათლების სამინისტროს შორის 2012 წელს დადებულ ხელშეკრულებებს სწავლობს

ამერიკის შეერთებულ შტატებს სავიზო მომსახურება შეზღუდული აქვს

ამერიკის შეერთებულ შტატებს სავიზო მომსახურება შეზღუდული აქვს