„ჩინჩალაძე, მურუსიძე, თავაძის კლანი „ოცნებამ“ გააძლიერა და დღეს უკვე ეს კლანი გახდა სახიფათო „ოცნებისთვის“
საზოგადოება

„ჩინჩალაძე, მურუსიძე, თავაძის კლანი „ოცნებამ“ გააძლიერა და დღეს უკვე ეს კლანი გახდა სახიფათო „ოცნებისთვის“

„ჩინჩალაძე, მურუსიძე, თავაძის კლანი „ოცნებამ“ გააძლიერა და დღეს უკვე ეს კლანი გახდა სახიფათო „ოცნებისთვის“
თამთა ქარჩავა

2018-08-06 09:00:08

„ჩინჩალაძე, მურუსიძე, თავაძის კლანი „ქართულმა ოცნებამ“ გააძლიერა და დღეს უკვე ეს კლანი გახდა სახიფათო ქართული ოცნებისთვის“, – აცხადებს for.ge–სთან საუბრისას კონსტიტუციონალისტი ლევან ალაფიშვილი, რომლის შეფასებით, მართლმსაჯულების სისტემაში ცვლილებები გაგრძელდება და ეს ჯდება იმ ცვლებების წყებაში, რომელიც ახალი წლიდან დაიწყო და რომლის ყველაზე დიდი ნაწილი იყო პრემიერის წასვლა.

for.ge ლევან ალაფიშვილს ესაუბრა.

გიორგი მარგველაშვილი კონსულტაციებს იწყებს, უმარვლესობის წევრი, სოფიო კილაძე აცხადებს, რომ პრეზიდენტის განცხადება პროვოცირება და კანონის უპატივცემულობაა, რადგან საპრეზიდენტო არჩევნების შემდეგ ამოქმედდება ახალი კონსტიტუცია, რომლის მიხედვით პრეზიდენტის პრეროგატივა არ არის უზენაესის სასამართლოს თავმჯდომარის დანიშვნა. ეს საკითხი უკვე გახდა დაპირისპირების მიზეზი. როგორ ფიქრობთ, ამ კონკრეტულ შემთხვევაში ვინ მავნებლობსპრეზიდენტი, თუ მმართველი უმრავლესობა?

ლევან ალაფიშვილი: ჩემი მოკლე პასუხია – უმრავლესობა, რადგან საკუთარი პარტიული დღის წესრიგით მოქმედებს და აგრძელებს ქიშპობას, ოღონდ ამით აზიანებს სახელმწიფო ინტერესებს. ამ საკითხშიც ვლინდება, რომ უმარვლესობისთვის სახელმწიო ინტერესები არის მეორე, მესამე თუ მეოთხე პლანზე.

რა გაქვთ მხედველობაში?

– მათი ლოგიკა - ისინი ამბობენ, რომ ახალი კონსტიტუცია ამოქმედდება და ახალი წესით მოხდება უზენაესი სასამართლოს თავმჯდომარის გამწესება. თუ ეს ლოგიკა მისაღებია მათთვის და ამის ერთგულები არიან, ცოტა ხნის წინ როდესაც მთავარი პროკურორი გაამწესეს, მაშინ ეს ლოგიკა არ ჰქონდათ? თუ არ არსებობდა ეს ჩანაწერი კონსტიტუციაში, რომ მთავარი პროკურორის გამწესების წესიც იცვლება? მაგრამ მაშინ მათთვის მისაღები იყო, რატომ? - იმიტომ, რომ ის პოლიტიკური პროცესი მათთვის მისაღები შედეგით წარიმართა მთავრობაში. დიახ, ეს იყო პოლიტიკური პროცესი. მაშინ იყო ეს ლოგიკა და დღეს არ არის ლოგიკა, თუ რა ხდება? „ქართული ოცნებისთვის“ რაც დასაშვებია, ის დაუშვებელია მარგველაშვილისთვის.

თავისთავად ჩნდება კითხვა, რატომ არ დაელოდა პარლამენტი ახალი კონსტიტუციის ამოქმედებას და რატომ იჩქარა ამ შემთხვევაში?

– კანონზე და კონსტიტუციაზე იძალადა „ქართულმა ოცნებამ“. მარგველაშვილისნაირი პრობლემა მათ არ ჰქონდათ, წულუკიანი ჰყავდათ და შესაბამისად, მიიღეს ის გადაწყვეტილება, რაც ვნახეთ. ძალიან სასაცილოები არიან, ახლა საწინააღმდეგოს რომ უკიჟინებენ მარგველაშვილს. პირველ კურსელი იურისტიც კი მიხვდება რა ხდება, თუკი კონსტიტუციაზე აპელირებ, რომელიც შემოდგომაზე უნდა ამომქმედდეს, მაშინ ამის წინაპირობა შენვე უნდა გქონდეს შექმნილი, რომ ერთგული ხარ შენი პოზიციის.

რაც შეეხება რეალობას, თეორიულად დავუშვათ, რომ ლეგიტიმურია მსჯელობა იმაზე, რომ ნოემბრის ბოლოდან ამოქმედდება ახალი კონსტიტუცია და ამის შემდეგ დავიწყოთ კანდიდატურაზე მსჯელობა, მაგრამ სახელმწიფოებრივად რამდენად სწორია ამ გზით სიარული?

– არ არის სწორი. იმ ახალ კონსტიტუციაში იცით რა წერია? – უზენაესი სასამართლოს თავმჯდომარეს, უზენაესი სასამართლოს წევრთაგან შეარჩევს იუსტიციის საბჭოო, მაგრამ შემდგომ წერია: უზენაესი სასამართლო შედგება არანაკლებ 28 წევრისგანო. ეს რას ნიშნავს – დღეს უზენაეს სასამართლოში არის 12 წევრი, ახალი კონსტიტუციის შესაბამისად, სანამ 28 წევრამდე არ შეივსება უზენაესი სასამართლო, მანამდე გადავდოთ უზენაესი სასამართლოს თავმჯდომარის არჩევის პროცესიო. სწორია, ასე უნდა იყოს, თუ კონსტიტუცია ამბობს, რომ წევრთაგან სრულად შეივსება სასამართლო, ეს ნიშნავს, რომ შემოდგომაზე კონსტიტუციის ამოქმედების შემდეგ კიდევ უზენაესი სასამართლოს 16 მოსამართლე უნდა შეარჩიოს იუსტიციის საბჭომ, მერე ამ მოსამართლეებს კენჭი უნდა უყაროს პარლამენტმა და მხოლოდ ამის შემდეგ უნდა დაიწყოს იუსტიციის საბჭომ უზენაესი სასამართლოს თავმჯდომარის შერჩევის პროცედურა. მერე ხელახლა უნდა წარუდგინოს პარლამენტს და ამასობაში დამთვარდა საგაზაფხულო სესიაც. თუნდაც შემოდგომაზე დალოდების ლოგიკა ნიშნავს იმას, რომ მინიმუმ 1 წელი უზენაესი სასამართლოს თავმჯდომარე არ გვყავდესო. ამას ამბობს მმართველი პოლიტიკური ძალა, რომელსაც ყველაზე მეტი პასუხისმგებლობა ეკისრება სახელმწიფოს წინაშე.

უზენაესი სასამართლოს თავმჯდომარის გარეშე დარჩენილი ქვეყანა პოლიტიკურად რამდენად საშიშია?

– უზენაესი სასამართლოს თავმჯდომარის თანამდებობაზე ყოფნა-არყოფნა, არ არის ჩვეულებრივი ამბავი. როდესაც ასეთ მოცემულობას უშვებ, რომ თუნდაც, ერთი წელი არ გყავდეს უზენაესი სასამართლოს თავმჯდომარე, შენი პოლიტიკური პასუხისმგებლობა ნულთან ძალიან ახლოს არის, რის გამოც საფრთხის მატარებელია ამგვარი მმართველობა. თავისთავად, ეს ნიშნავს, რომ კონკრეტული პარტიული დღის წესრიგით დასაშვებია კონსტიტუციური ინსტიტუტების ფუნქციონირების მოშლა, რაც დაუშვებელია.

არის საკითხი, რომელიც, რა თქმა უნდა, არის პარტიული პოლიტიკის საგანი, მაგრამ არის საკითხები, რომელიც პარტიული ინტერესების მიღმაა და სახელმწიფოებრივად მნიშვნელოვანია ყველა პარტიისთვის. ანუ, არ შეიძლება არსებობდეს განსხვავება. უზენაეს სასამართლოს უნდა ჰყავდეს თავმჯდომარე და ეს უდავოა. დღეს მოქმედი კონსტიტუციით, საქართველოს პრეზიდენტს აქვს ექსკლუზიური უფლება დაიწყოს პროცესი. შესაბამისად, „ქართული ოცნება“ თუ უკიჟნებს მაგრველაშვილს რატომ მიგყავს პროცესიო, აპრიორი პრეზიდენტს საყვედურობს რატომ არ არღვევ კონსტიტუციასო და ეს არის კურიოზი. მარგველაშვილი პასუხისმგებელია სახელმწიფო ინსტიტუტების გამართულად ფუნქციონირებაზე, ვალდებულია ეს პროცესი დაიწყოს. როგორ დაასრულებს ამ პროცესს „ქართული ოცნება“, ეს მისი პასუხისმგბელობის საკითხია, ოღონდ საკმაოდ ძვირ ფასს გადაიხდის ამ ყველაფერში.

პოლიტიკურ ფასს გადაიხდის?

– აუცილებლად გადაიხდის.

იმ შემთხვევაში, თუკი პარლამენტმა უარი თქვა და მხარი არ დაუჭირა პრეზიდენტის მიერ შეთავზებულ კანდიდატს, ეს პოლიტიკურად რამდენად მძიმე გადაწყვეტილება შეიძლება აღმოჩნდეს ქვეყნისთვის? თუ გავითვალისწინებთ უმრავლესობის პოზიციას, სავარაუდოა, რომ საქართველოს პარლამენტი მხარს არ დაუჭერს პრეზიდენტის მიერ შეთავაზებულ კანდიდატურას...

– ერთეულები მსჯელობენ ასე. ძალიან მნიშვნელოვანია, რომ ლიდერების დონეზე დაბნეულები არიან და სწორია. ისინი პოზიციას ვერ აყალიბებენ. პირველი, თუ პროკურატურასთან მიმართებაში ერთი პოზიცია გქონდა, ახლა იგივე თემასთან დაკავშირებით საჯაროდ განსხვევულად ვერ ისაუბრებენ, იმიტომ, რომ ჩემნაირები და თქვენნაირები აუცილებლად შეახსნებენ მთავარი პროკურორის არჩევის წესს. პოლიტიკურად წააგებენ, ამიტომ ასეთი თამამები ვერ არიან და კარგია.

ერთადერთი გზა, რაც დარჩა „ქართულ ოცნებას“, სანამ პროცესი არ დასრულებულა, თავი შეიკავონ მაინც. როცა პრინციპს ეწინააღმდეგებიან, ეს უკვე წამგებიან პოზიციაში აყენებს. ხალხის მიერ არჩეული პარლამენტი როდესაც ამბობს, რომ ჩემთვის მიუღებელია პრინციპი – ხალხის მიერ არჩეული პრეზიდენტი ვის შეარჩევს, მხარს არ დავუჭერო, ბუნებრივა, ეს უარყოფითად წარმოაჩენს, როგორც ქვეყნის შიგნით, ასევე ქვეყნის გარეთ. შეგახსენებთ აშშ–ის ელჩის ძალიან ღია, უარყოფით განცხადებას გამოსამშვიდობებელ საღამოზე, სადაც მმართვლი გუნდიც იმყოფებოდა და სადაც იან კელიმ თქვა, რომ თქვენი უმთავრესი პრობლემა არის სასამართლოს დამოუკიდებლობაო.

უზენაესი სასამართლოს თავმჯდომარის შერჩავა უკვე არის მწვავე დაპირისპირების საგანი პარლამენტსა და პრეზიდენტს შორის. როგორ ფიქრობთ, უმრავლესობის მიზანია ამ საკითხზე მსჯელობა საპრეზიდენტო არჩევნების შემდეგ დაიწყოს, როდესაც უკვე ახალი კონსტიტუცია შევა ძალაში?

– სწორედ იმის გათვალისწინებით, რომ მმართველი გუნდის ერთიანი გაცხადებული პოზიცია არ მოგვისმენია, ეს მაძლევს საფუძველს ვთქვა, რომ ერთიანი ჩამოყალიბებული პოზიცია არ არსებობს და იმედი მაქვს, რომ მათში გონიერება იმძლავრებს, რომ ერთი წელი სასამართლო ხელისუფლება არ დარჩეს ხელმძღვანელობის გარეშე. რაც შეეხება კითხვას, გამორიცხვით როგორ შეიძლება გამოვრიცხო პარტიული დღის წესრიგი. რა თქმა უნდა, ვერ გამოვრიცხავ, მაგრამ როგორც რიგითი მოქალაქე მივანიშნებ, რომ შეიძლება ეს სცენარი განავითარონ, მაგრამ მათთვე დაუჯდებათ ძალიან ძვირი.

აუცილებლად გადაიხიდიან ამის პოლიტიკურ ფასს, როგორც წელს, ასევე 2020 წელს. მაგრამ მანამდე ძალიან მძიმე საყვედურებს მოისმენენ ჩვენი სტრატეგიული მოკავშირეების მხრიდან. მათი მხარდაჭერის დაკარგვა მმართველი გუნდის მიმართ იქნება ყველაზე ძვირი ფასი, რაც მათ შეიძლება გაუკეთონ საკუთარ თავს. მას შემდეგ, რაც საერთაშორისო ორგანიზაციები, სტრატეგიული პარტნიორები ეტყვიან, რომ შენ ცდილობ სასამართლო კონტროლი არ გაუშვა ხელიდან, ამის გამო ჩვენი ურთიერთობები ვერ იქნება ჯეროვანიო, მერწმუნეთ, რომ ამ განცხადებებს მოყვება ქმედებები, რაც ძალიან ცუდი იქნება. არ ღირს სახელმწიფო ინტერესების, პარტიულ ინტერესებზე შეწირვა.

სასამართლოში არსებულ კლანზე და მათი მხრიდან ზეწოლაზე საუბრობდა გვენეტაძე. როგორ ფიქრობთ, კლანური მმართველობა გახდა გადადგომის მიზეზი?

– მე სხვანაიარდ ვუყურებ ამ ყველაფერს. სამწუხაროა, მაგრამ ფაქტია, რომ ნინო გვენეტაძემ როდესაც მიიღო გადაწყვეტილება და წავიდა ამ პოზიციაზე, მან იცოდა სად მიდიოდა, იცოდა საკუთარი შესაძლებლობები და იცოდა რა უნდა ეკეთებინა, იცოდა ის საფრთხე, რაც პერსონალურად მას, მის კარიერას და პროფესიულ საქმიანობა დაემუქრებოდა. მიუხედავად ამისა, მივიდა იმ კლანის პირველ პირად, რომელშიც გადაწყვეტილებები სულ სხვაგან მიიღებოდა.

უზენაესი სასამართლოს თავმჯდომარეს არავინ არაფერს ეკითხებოდა და რაც მთავარია, ეს ყველაფერი ხდებოდა დახურულ კარს მიღმა. ერთადერთი რაც შეეძლო ნინო გვენეტაძეს ამ პირობებში და გასაღები ამ კლანის დამარცხების იქნებოდა საჯაროობა და მათ შორის მწვავე საუბარი არსებულ პრობლემებზე. წარმოიდგინეთ რა ძალის მატარებელი იქნებოდა ეს განცხადება - აუცილებლად იქნებოდა ზეწოლა საერთაშორისო ორგანიზაციების მხიდან ჩვენს ხელისუფლებაზე, რომ გაეთავისუფლებინათ მართლმსაჯულების სისტემა ამ კლანურ, პოლიტიკური გავლენებისგან. ეს არ გააკეთა გვენეტაძემ და აქ დაუშვა საბედისწერო შეცდომა. ჩაიკეტა, უარი თქვა საჯაროობაზე და პრაქტიკულად, ამ კლანის ასპარეზზე, მათთვის კომფორტულ გარემოში დაიწყო რაღაცეების კეთება.

შეგახსენებთ ერთ მაგალითს, უზენაეს სასამართლოს საკონსტიტუციოში უნდა გაემწესებინა ერთი მოსამართლე, მინიმუმ ერთი კვირით ადრე მე პირადად მქონდა ინფორმაცია ვინც იქნებოდა, ნინო გვენეტაძეს რომ ჰკითხეს, ამ ადამიანს თუ იცნობთო, უპასუხა, რომ არ ვიცნობო, მაგრამ მერე რაო. მაშინ ნინო გვენეტაძეს უბრალოდ ხელი მოაწერინეს გადაწყვეტილებაზე და ეს გააკეთა ჩინჩალაძემ, მურუსიძემ და თავაძემ. ნინო გვენეტაძეს არა თუ ეკითხებოდნენ, რასაც ეტყოდნენ იმას აკეთებინებდნენ.

ფაქტია, რომ გვენეტაძემ დაუშვა კლანთან ასეთი მუშაობა, მაგრამ რის საფუძველზე?

– სამართლიანი რომ ვიყოთ უნდა ვთქვათ, რომ ამ კლანთან პოლიტიკური თამაში „ქართულმა ოცნებამ“ დაიწყო. ჩინჩალაძე, მურუსიძე, თავაძის კლანი „ქართულმა ოცნებამ“ გააძლიერა და დღეს უკვე ეს კლანი გახდა სახიფათო „ქართული ოცნებისთვის“. არა მგონია, რომ ნინო გვენეტაძეს გადადგომა ბოლო იყოს მართლმსაჯულების სისტემაში. ვფიქრობ, რომ ცვლილებები იქნება და ეს ჯდება იმ ცვლებების წყებაში, რომელიც ახალი წლიდან დაიწყო და რომლის ყველაზე დიდი ნაწილი იყო პრემიერის წასვლა და ახლა უზენაესი სასამართლოს თავმჯდომარის. რატომ? იმიტომ, რომ ივანიშვილმა საჯარო ინტერვიუში თვითონ თქვა, რომ ვიღებ პასუხისმგებლობასო. ხელისუფლება არის ტვირთი, რომელიც პარტია „ქართულმა ოცნებამ“ და მისმა თავმჯდომარემ უნდა იტვირთონ და გამოასწორონ ის შეცდომები, რომელიც მართლმსაჯულებაშია და ვფიქრობ, რომ ცვლილებები იქნება, რაც ე.წ. კლანის დაშლას ნიშნავს.

ჩინჩალაძე, მურისიძე, თავაძეამ კლანის დაშლის პროცესს დაიწყებსქართული ოცნება“, რომელმაც თავად გააძლიერა ეს კლანი?

– რა თქმა უნდა. საკმარისია 4–5-მა კაცმა უთხრას მათ – გეყოფათ, წადით სახლში, ამით დამთავრდება კლანი. შემდეგში, სამართალდამცავები რას და როგორ იზამენ, არ ვიცი. როგორც კი იგრძნობენ, რომ პოლიტიკური მხარდაჭერა არ აქვთ, მერწმუნეთ, რომ სხვა პროცესები დაიწყება მართლმსაჯულების სისტემაში.

ამ კლანის დაშლა რამდენად აუცილებელი პროცესია და წინააღმდეგ შემთხვევაში რამდენად საშიში შეიძლება აღმოჩნდეს სახელმწიფოსთვის ის მმართველობა და კლანი, რომელიც დღეს სასამართლო სისტემაშია?

– ძალიან კარგი კითხვაა, იმ ახალი კონსტიტუციის პირობებში, რომელიც არჩევნების შემდეგ ამოქმდდება, ეს კლანი „ქართული ოცნებისთვის“ კიდევ უფრო პრობლემური იქნება და რატომ? – რეალურად დღეს მოქმედი იუსტიციის საბჭოს ახალი კონსტიტუციით არაფერი არ ემუქრება, რჩება და სასამართლო ხელისუფლებაზე სრული მონოპოლია ეძლევა ამ კლანს. შესაბამისად, თუკი აქამდე მათი დიალოგი „ქართულ ოცნებასთან“ იყო კარგი - აბა მითხარი რა გინდა - ახლა ასე აღარ იქნება. ეს კლანი უკვე საკუთარ დღის წესრიგს, საკუთარ მოთხოვნებს არა მხოლოდ მართლმსაჯულების სისტემებში, არამედ სხვა სფეროშიც დააყენებს. ეს უკვე საფრთხის მატარებელი იქნება არა მხოლოდ „ქართული ოცნებისთვის“, არამედ საზოგადოებისთვის. ამიტომ, ახალი კონსტიტუციის ამოქმედებამდე უნდ მოხდეს ცვლილება ამ ე.წ. კლანში, წინააღმდეგ შემთხვევაში, კიდევ უფრო გაძლიერდება, რასაც მძიმე პროცესები მოჰყვება.

ნანახი?- 5040

arichopra 2

2018-08-06 09:50:14

ბატონებო და ქალბატონებო, ვერ გავიგე კიდევ რა უნდა მოხდეს საქართველოში რომ გამოვფხიზლდეთ და გავიგოთ, დასავლეთიდან იმპლანტირებული დემოკრატიაა ჩვენი სამშობლოს მთავარი საფრთხე?! მხედველობაში მაქვს ნარკომანიის აპოლოგეტის, მიშას ჩვარი ზურა ჯაფარიძის თავხედური გამოსვლა მართლმადიდებლობის და საპატრიარქოს წინააღმდეგ!

arichopra 2

2018-08-06 09:50:38

თუ არა ეს ე.წ. დემოკრატია რომელი სახელმწიფო მისცემდა ასეთ ავანტიურისტს ამ მკრეხელობის უფლებას?! წარმოგიდგენიათ ვინმემ ისრაელში რომ გამოთქვას იგივე მოსაზრებები სახელმწიფო რელიგიის წინააღმდეგ?! გეუბნებით დაღუპვის პირას ვართ, გადაშენების გზაზე მიგვერეკება ე.წ. ჩვენი მეგობარი ცივილიზებული დასავლეთი!

arichopra 2

2018-08-06 09:51:45

ან ავიღოთ იმ საკონსტიტუციო სასამართლოს მოსამართლეების ყოვლად უმსგავსო საქციელი?!

arichopra 2

2018-08-06 09:54:01

თუ არა მათი შინა/განი სუ/ლ/იერი თან/ხმობა ჯა/ფარ/იძის მიერ წა/რდგ/ენილი სარ/ჩელი/სადმი, სხვა თუ არა/ფერი, ხომ შე/ეძლოთ დაეფ/იქს/ი/რებინათ თავიანთი სამოქალაქო პოზიცია და უარი ეთქვათ ამ სარ/ჩელის გან/ხილ/ვაში მო/ნაწილეო/ბაზე, ანუ სა/კუთ/არი თავისადმი აცი/ლება მი/ეცათ?!

arichopra 2

2018-08-06 09:54:21

ან თუ ამის უფლებას არ აძლევდათ კანონი, გადამდგარიყვნენ, გაეხადათ ეს მოსამართლის მანტია! მაგრამ ამას როგორ იზამდნენ, როცა ამოდენა ჯამაგირს (ათი ათასობით ლარი, პრემიები, საცხოვრებელი პირობები, სამსახურეობრივი ჯიპები და სხვა პრივილეგიები) იღებენ?!
გავიმეორებ,სამარცხვინოა ეს დემოკრატია საკუთარი შინაარსით და საქართველოს არსებობისათვის #1 საფრთხეა!

ganzieli

2018-08-06 11:27:59

"მარგველაშვილი პსუხისმგებელია სახელმწიფო ინსტიტუტების გამართულ მუშაობაზე" საიდან მოიტანა თავსლაფიშვილმა? კონსტიტუციაში ეს არ წერია პრეზიდენტის მიმართ და მარგველაშვილს გვარიშვილობით თუ ეკუთვნის, არ ვიცი

arichopra 2

2018-08-06 13:25:56

ცუდადაა საქმე... აგერ რეპორტიორი.გე -მ მარიხუანას სარგებლიანობაზე დიდი სტატია დადო. ფაქტიურად მარიხუანა კიბოს საწინააღმდეგო შეუცვლელ ვაქცინად გამოაცხადა! ხსენებულ საიტზე ამ დროს ასეთი შინაარსისის სტატიას ქვეყნდება, უკვე ნათელი ხდება საიდან უბერავს მარიხუანას ნიავი, ვინ არის დამკვეთი! დაუჯერებელი ჭორები კი დიდ დამაჯერებლობას იძენენ!

ფხიზელი

2018-08-06 17:28:59

arichopra 2,
გეთანხმები, რომ ძალიან ცუდად არის საქმე. საქართველოს ჰყავს კვაზიხელისუფლება. საქართველოს, რეალურად, ელჩებისა და სხვადასხვა ენჯეოების ხელით მართავს დასავლეთი.
გულდასმით ვადევნებ თვალს საქართველოში მიმდინარე ყველა მოვლენას და, მე რასაც ვუყურებ, ვერც კონსტიტუციაში და ვერც რომელიმე კანონში ერთ ასოს ვერ შეცვლი, ამისი უფლება თუ დასავლური ორგანიზაციებიდან, ვენეციის კომისიისაგან და კოლექტიური ბუკიკიოებისაგან არ მიიღე! - ეს ნიშნავს, რომ შენ არავინ და არაფერი არა ხარ და ტყუილა გქვია შენი ქვეყნის ხელისუფალი!
*
ახლა კონკრეტულ საქმეზე.
არავისი დემონიზაციის მომხრე არა ვარ... მაგრამ შენ როგორ გგონია, ბიძინამ იცოდა თუ არა, რომ ეს საკითხი უნდა განეხილა საკონსტიტუციო სასამართლოს?
მე, მაგალითად, ვერ დავიჯერებ, რომ ამის შესახებ გადაწყვეტილება მისთვისაც ისეთივე სიურპრიზი იყო, როგორც ჩვენთვის.
მეტიც: დარწმუნებული ვარ, პირდაპირი ზარითა და ზეწოლით კი არა (რაც დაუშვებელია), არამედ, ელემენტარული მინიშნებაც კი რომ გაეკეთებინა ვინმესთან პირად საუბარში, რომ ასეთი რამის გაკეთება არ იქნება კარგიო, ეს მესიჯი აუცილებლად მიაღწევდა იმ სასამართლომდე და სხვანაირ გადაწყვეტილებას მიიღებდნენ!
ე.ი. რაც მოხდა, მოხდა მისი სიტჸვიერი ან უსიტჸვო თანხმობით...

arichopra 2

2018-08-06 18:51:18

ფხიზელი, მაგარი გაკვირვებული ვარ! ბიძინა ძალიან დიდ პატრიოტ ადამიანად მიმაჩნია. რაღაც ვერ გავიგე, ნაეტავ რაშია საქმე?

ფხიზელი

2018-08-06 19:48:56


arichopra 2,
მეც ასეთივე აზრისა ვარ, მაგრამ ხალხი უკვე ღადაობს: ბერას რეპერტუარს უნდა ვადევნოთ თვალი, რომ წიასწარ გამოვიცნოთ, კედევ რა საკანონმდებლო ცვლილება გველოდებაო...

arichopra 2

2018-08-06 20:16:03

ადრეც დავწერე, ახლა გავიმეორებ! ჟურნალისტების დოღია საქართველოში ნუთუ არ შეიძლება ამ საკითხზე ერთი 5 წუთიანი ვიდეო ინტერვიუ ჩაიწერონ ბიძინასთან?! აგერ მეზობელ საიტზე კობა დავითაშვილიც ითხოვს ბიძინასგან პირდაპირ პასუხს!

arichopra 2

2018-08-06 20:19:31

https://www.ambebi.ge/article/226465-sad-dasakmda-koba-davitashvili-bizina-ivanishvilis-shuamdgomlobit-meore-jgupis-invalidi-var-tkveni-daxmarebit-midgas-pirshi-suli/

უჩინო

2018-08-06 20:56:06

@ganzieli. კონსტიტუციის 69-ე მუხლში წერია: „საქართველოს პრეზიდენტი არის საქართველოს სახელმწიფოს მეთაური, ქვეყნის ერთიანობისა და ეროვნული დამოუკიდებლობის გარანტი. საქართველოს პრეზიდენტი კონსტიტუციით მისთვის მინიჭებული უფლებამოსილებების ფარგლებში უზრუნველყოფს სახელმწიფო ორგანოთა ფუნქციონირებას". რას ერჩით, სწორს ამბობს.

serapina

2018-08-07 01:02:41

ვუყიდოთ,ივანიშვილს ტელევიზორი!

papaeqsperti

2018-08-07 02:04:07

ფხიზელი2018-08-06 17:28:59
arichopra 2,
,,გეთანხმები, რომ ძალიან ცუდად არის საქმე. საქართველოს ჰყავს კვაზიხელისუფლება. საქართველოს, რეალურად, ელჩებისა და სხვადასხვა ენჯეოების ხელით მართავს დასავლეთი.
გულდასმით ვადევნებ თვალს საქართველოში მიმდინარე ყველა მოვლენას და, მე რასაც ვუყურებ, ვერც კონსტიტუციაში და ვერც რომელიმე კანონში ერთ ასოს ვერ შეცვლი, ამისი უფლება თუ დასავლური ორგანიზაციებიდან, ვენეციის კომისიისაგან და კოლექტიური ბუკიკიოებისაგან არ მიიღე! - ეს ნიშნავს, რომ შენ არავინ და არაფერი არა ხარ და ტყუილა გქვია შენი ქვეყნის ხელისუფალი,,
------------------------------------------------------------
კი მაგრამ... აბა მაშინ რატომღა სვამ მაგ კითხვებს?---უცხოელებზე მიწის მიყიდვის აკრძალვის კანონი, უცებ რომ შემოატრიალეს უკან, მაგის დასაჯერებლად, ის რაა, საკმარისი არ იყოოო??

ეხლა ჩვენზედ გულაჩუყებული მერკელა დეიდა რომ ჩამოვა აქ, მაშინ უფრო გაიასნდება ყველაფერი.


ნატალი................აფსუსსსს წყნარი ოკიანე!!!...აუუუფ....რა მადლი იქნებააა..მაგრამ არც ერთი არ გიჯერებს ესენი შენ, არც ერთი.

წადი ნატალი თუშეთში, წადი.... სეზონია ეხლა, სეზონი...

arichopra 2

2018-08-07 10:56:47

ვა, პაპაც დაბრუნებულა! გამარჯობა პაპა!

serapina

2018-08-07 19:33:34

პაპა,

თუშეთში კი არა,გერმანიაში ველოდებით...სკოლების საქმე ვერ გაქვთ კარგადო!

ისე,ანგელას თბილისი გერმანიის რომელიმე ქალაქში არ აერიოს...
მანქანები გვყავს გერმანელებზე ნაკლები,თუ ჩადრიანი ქალებით ჩამოვრჩებით ამ გერმანელენს?!

კატრინაა

2018-08-12 19:30:09

ანგელას ნეტავ,რა მისია აკისრია?!საინტერესო ამბები გველის ჩრდილოეთიდან,როგორც ვატყობ!

რეგისტრაცი?/p>

დახურვ?/span>
სახელი:

პაროლი:

გაიმეორე?პაროლი:



სარეკლამო ბანერი
1000 X 80