დემურ გიორხელიძე: „რატომ უნდა ვუყუროთ ამ არშემდგარი პარტიებით დაკომპლექტებულ პარლამენტს?!”
პოლიტიკა

დემურ გიორხელიძე: „რატომ უნდა ვუყუროთ ამ არშემდგარი პარტიებით დაკომპლექტებულ პარლამენტს?!”

დემურ გიორხელიძე: „რატომ უნდა ვუყუროთ ამ არშემდგარი პარტიებით დაკომპლექტებულ პარლამენტს?!”
ლალი ზირაქიშვილი

2017-09-08 12:30:19

საპარლამენტო უმრავლესობის ლიდერი, არჩილ თალაკვაძე აღნიშნავს, რომ საკონსტიტუციო ცვლილებებზე მორიგი დისკუსია და დებატები საშემოდგომო სესიის ფარგლებში გაიმართება; სამოქალაქო საზოგადოებასა და არასამთავრობო სექტორს საშუალება ექნება თვალი მიადევნონ ამ პროცესს და მონაწილეობა მიიღონ მესამე მოსმენის ფარგლებში გამართულ დისკუსიაში.

„საერთაშორისო გამჭვირვალობა-საქართველოს“ აღმასრულებელი დირექტორი ეკა გიგაური საკონსტიტუციო ცვლილებებზე მესამე მოსმენის ფარგლებში გასამართ დისკუსიაში არასამთავრობო სექტორის ჩართვის საჭიროებას ვერ ხედავს და აცხადებს, რომ მესამე მოსმენის დროს მხოლოდ რედაქციული ტიპის ცვლილებების შეტანაა შესაძლებელი და დისკუსიაში არასამთავრობო სექტორის მიწვევით ხელისუფლება ცდილობს, შეცდომაში შეიყვანოს საზოგადოება.

„მათ, ისევე როგორც ჩვენც, გვინდა ასეთი სერიოზული დოკუმენტი მიღებული იქნას კონსენსუსით. კონსენსუსის შეუძლებლობა განაპირობა ჩვენი ოპონენტების დაუოკებელმა სურვილმა, რომ როგორმე შეინარჩუნონ პოზიცია პოლიტიკურ ველზე და ხელისუფლება ხელში ჩაიგდონ ისე, რომ უმრავლესობა არ ჰქონდეთ მოპოვებული. ვენეციის კომისიას რომ ჰქონდეს შენიშვნები სამართლებრივ საკითხებთან დაკავშირებით, რასაკვირველია, ამ თემას შესაძლებელია დავუბრუნდეთ ბევრჯერ და ჩაღრმავებულად ვისაუბროთ... კატეგორიულად არ ვეთანხმები, რომ ეს პროცესი დაჩქარებულად მიმდინარეობს. ნახევარ წელზე მეტია ამ საკითხების განხილვა მიმდინარეობს. არის ქვეყნის ინტერესები და არის ადამიანთა ჯგუფი, რომლებიც საკუთარ ინტერესებს აყენებენ ქვეყნის ინტერესებზე მაღლა“, - აცხადებს ამ ყველაფერთან დაკავშირებით უმრავლესობის ერთ-ერთი ლიდერი გიორგი ვოლსკი.

რა ინტერესები იკვეთება პროცესში, რომელიც უკვე აბსურდის თეატრს დაემსგავსა - ამ თემაზე ექსპერტი, დემურ გიორხელიძე გვესაუბრება.

დემურ გიორხელიძე: როგორც მოქალაქეებმა, ყოველგვარი სიმპათია-ანტიპათიის გარეშე რომ შევაფასოთ მთელი ეს პროცესი, შეიძლება ითქვას, რომ მართლაც აბსურდულია. ყოველ შემთხვევაში, არ ქმნის იმ კონსტრუქციას, კონსტიტუციის სახით, რომელიც გრძელვადიან პერსპექტივაში იქნება საყრდენი ქართული სახელმწიფოსი.

პოლიტიკური ინტერესების დონეზე საკუთარ თარგზე მოჭრა კონსტიტუციებისა, არის ძალიან მძიმე შედეგის მომტანი და ჩვენ ეს ვნახეთ. მთავარი შეცდომა ოპოზიციური პოლიტიკური სპექტრისა არის ვენაციის კომისიის გაფეტიშება და მათგან თანხმობის მიღებისა ყველაფერზე, რასაც ისინი ითხოვენ, მაგრამ ვენეციის კომისიას და ბუკიკიოს რა ხელი აქვს საქართველოს კონსტიტუციასთან?!

ხელისუფლების შეცდომა ის არის, რომ ეს არ იყო მხოლოდ კონსტიტუციური უმრავლესობის საქმე. ეს უნდა იყოს ფართო, პოლიტიკური შეთანხმების შედეგი, რადგან თუ კონსტიტუციაზე არ არსებობს პოლიტიკური თანხმობა, ვენეციის კომისიის მოთხოვნები ჩანს უსუსური პოლიტიკური მოღვაწეების მხრიდან რაღაც საყრდენების ძებნად იქ, სადაც საყრდენები არ არსებობს.

ანუ საკონსტიტიციო პროცესი, როგორც ხელისუფლების, ისე ოპოზიციის მხრიდან არასწორად წარიმართა?

- ერთის შეცდომაა ის, რომ უმრავლესობაშია და რასაც უნდა იმას აკეთებს და მეორის ის, რომ ვერ ერევა ხელისუფლებას, რადგან თვითონ ძალას არ წარმოადგენს.

რატომ უკეთებს ხელისუფლება იგნორირებას პოლიტიკურ ძალებს გნებავთ, პარლამენტს შიგნით და გნებავთ, მის გარეთ? იმიტომ, რომ არც ერთი პოლიტიკური ძალა რეალურ ძალას არ წარმოადგენს. აღარაფერს ვამბობ იმაზე, რომ ხელისუფლებას თავისი პრობლემები აქვს და გრძელვადიან პერსპექტივაში ვერც ის იქნება პოლიტიკური ძალა.

რაკი ქვეყანაში არ არსებობს დაბალანსებული პოლიტიკური ძალები, რომლებიც ერთმანეთს ანგარიშს გაუწევენ და ანგარიშის არგაწევის შემთხვევაში ყველაფერი ცუდად დამთავრდება, ჩვენ ვიღებთ იმას, რომ ხელისუფლება, რაკი უმრავლესობაშია, იგნორირებას უკეთებს პოლიტიკურ სპექტრს, რადგან კარგად იცის, რომ მისგან არაფერი ემუქრება.

თუკი ქვეყანა დაუშვებს იმას, რომ ყველა პოლიტიკურმა ძალამ ერთად მოითხოვოს კონსტიტუციაში ცვლილებების შეტანა იმის საპირისპიროდ, რასაც ხელისუფლებაში მყოფი ერთი პოლიტიკური ძალა ითხოვს, ეს პოლიტიკური ძალა მაშინვე დამარცხდება, ვგულისმობ სახელისუფლებო ძალას - ასეა ევროპაშიც და ნებისმიერ ნორმალურ ქვეყანაშიც, მაგრამ ჩვენ ჯერჯერობით არ ვართ ნორმალური ქვეყანა და არ გვყავს პოლიტიკური სპექტრი.

ყველაზე დიდი პრეტენზია სააკაშვილის მიმართ არის ის, რომ მან პოლიტიკური შეცდომა დაუშვა, როდესაც დაფხრიწა კონსტიტუცია, რომელიც 1995 წელს, ურთულეს პირობებში, უდიდესი პოლიტიკური კონსენსუსის შედეგად იყო მიღებული.

რა თქმა უნდა, იმ კონსტიტუციას ორი სერიოზული დეფექტი ჰქონდა - არ იყო გამოკვეთილი მთავრობის და, ასევე, ადმინისტრაციულ-ტერიტორიული მოწყობის საკითხები, სხვა მხრივ ის იყო ძალიან კარგად დაბალანსებული კონსტიტუცია სადაც პრეზიდენტის ხელისუფლებისა და პარლამენტის ძალაუფლებები 50/50-ზე იყო - მათ კრიზისულ სიტუაციებში ერთმანეთის ბლოკირება შეეძლოთ და ასეც მოხდა 2001 წელს, როდესაც პარლამენტის პოლიტიკურმა ძალებმა შეძლეს უდიდესი კრიზისის თავიდან აცილება და ბალანსის მიღწევა.

დღეს ასეთი მყარი კონსტრუქციის დანახვა შეუძლებელია; მეორე მხრივ, ოპოზიციური ძალების არასწორმა მოთხოვნებმაც კიდევ უარესი სურათი შექმნა.

რა იგულისხმება ოპოზიციის არასწორ მოთხოვნებში?

- ჯერ ერთი, 2020 წელს შევა ძალაში თუ 2024 წელს არავითარი მნიშვნელობა არ აქვს ქვეყნისთვის, მთავარია იყოს ის კონსტრუქცია, რომელსაც ქვეყნის კონსტიტუცია ჰქვია.

როდესაც შენ შენი ინტერესების შესაბამის ულტიმატუმებს უყენებ, თანაც სუსტი ხარ, არ შეგიძლია ულტიმატუმის ბოლომდე მიყვანა. ნახეთ 30 პოლიტიკური პარტია ერთად ზის და ერთ მშვიდობიან დემონსტრაციას ვერ აკეთებენ, რომ აჩვენონ საზოგადოების განწყობა ხელისუფლების მოქმედების წინააღმდეგ.

საზოგადოებას არ ჯერა იმ პროცესისა, რომელიც წმინდა სატელევიზიო პროცესია. თითქოსდა, პოლიტიკური პარტიები დასხდებიან ხელისუფლებას რაღაცას სთხოვენ, მაგრამ მათ უკან  ძალა არ არსებობს.

არასამთავრობო სექტორიც აკრიტიკებს მთელ ამ პროცესს და თითქოს უკმაყოფილოა, განხილვებში რომ ვერ ჩაერეთვება...

- საკონსტიტუციო პროცესში  სამოქალაქო სექტორის ჩართულობა აბსოლუტურად უადგილოა იმიტომ, რომ როდესაც პოლიტიკური პარტიები კონსტიტუციასთან დაკავშირებით კონსენსუსს აღწევენ, ეს პოლიტიკური პარტიები საკუთარ ამომრჩეველს ეყრდნობიან - საზოგადოება იქ თავისთავად ჩართულია. ამიტომ, მესამე სექტორის უსუსური განცხადებები კონსტიტუციას სრულიად არ ჭირდება. მათ აქვთ უფლება, გამოთქვან საკუთარი მოსაზრებები, მაგრამ მსოფლიოში არსად არ ხდება, რომ მესამე სექტორი, როგორც მხარე, ამ პროცესში მონაწილეობდეს.

ყველაზე დიდი მხარე აქ არის საზოგადოება და მესამე სექტორი არის საზოგადოების ნაწილი, რომელსაც ზედმეტი პრივილეგია არ გააჩნია. პოლიტიკური პარტიები ცოტა სხვა წარმონაქმნია, რომელსაც პოლიტიკურ პროცესზე უდიდესი გავლენის მოხდენა უნდა შეეძლოს. ეს ვერ ხერხდება.

ხელისუფლება არასწორად იქცევა, როდესაც ამ კონსტიტუციას იღებს, რადგან ძალიან  მოკლევადიანია და როგორც კი პოლიტიკურ განლაგებაში ოდნავი ცვლილებები მოხდება, პირველი, რაც დაინგრევა, იქნება ის კონსტიტუცია, რომელიც შეიძლება სექტემბერში მიიღონ.

თქვენ აღნიშნეთ, რომ ქვეყანაში არ არსებობს კონსტიტუციის მისაღებად საჭირო სიძლიერის პოლიტიკური სპექტრი, მაგრამ უმრავლესობა აცხადებს, და ამას ყველა ეთანხმება, რომ კონსტიტუცია, რომლითაც ვცხოვრობდით, იყო გაუმართავი. კონსტიტუციონალისტებმა მასზე ბევრი იმუშავეს და საბოლოოდ მივიღეთ სამართლებრივად გასწორებული დოკუმენტი...

- კონსტიტუციონალისტები იმ დოზით უნდა ჩაერთონ, რომ კონსტიტუცია იურიდიულად  მოიყვანონ წესრიგში მას შემდეგ, რაც პოლიტიკური კონსენსუსი იქნება. კონსტიტუციონალისტების საქმე არ არის კონსტრუქციის შექმნა. ისინი იურისტები არიან და პროფესიონალური თვალსაზრისით უნდა გამართონ დოკუმენტი, მაგრამ კონსტიტუციას იღებენ პოლიტიკური პარტიების შეთანხმების შედეგად საზოგადოების და სახელმწიფოს ინტერესის გათვალისწინებით.

ჩვენ ეს ფუნდამენტი არ გვაქვს, ცხადია, 2010 წლის კონსტიტუცია უვარგისი იყო, ისევე, როგორც 2004 წლის, რომელიც მოარგეს იმ რევოლუციურ სიტუაციას. დღევანდელი კონსტიტუციური ცვლილებებიც არაფერს ცვლის, იგი არ ქმნის პოლიტიკური თამაშის წესებს, სისტემას, რომელშიც გრძელვადიან პერსპექტივაში ვიცხოვრებთ.

ვინც იცის ამერიკის ისტორია, ეცოდინება, როდის, რა ხალხის მიერ და რა პასუხისმგებლობით იყო მიღებული კონსტიტუცია, რომლითაც ქვეყანა ცხოვრობს ლამის 250 წელია.

საქართველოში ისეთი პასუხისმგებლობის მქონე პოლიტიკური ჯგუფები არ მოიძებნა, რომელიც ამერიკელი დამფუძნებელი მამების პასუხისმგებლობით მოეკიდებოდნენ საკუთარ სახელმწიფოს. ამიტომ არის ეს პროცესი ცუდი სანახავი, რომ სერიოზულობასაც მოკლებულია და საქმესაც. პირად პოლიტიკურ ინტერესებზე მოკლევადიან სარგებლობის მიღების მიზნით მიმდინარე პროცესია.

ნეგატიურად ვიყავი განწყობილი დასაწყისიდანვე და კიდევ უფრო ნეგატიური განწყობა მაქვს, რადგან ეს არ არის კონსტიტუცია, რომელსაც სახელმწიფო შეიძლება დაეფუძნოს.

თქვენც აღნიშნეთ და ვენეციის კომისიის ერთადერთი შენიშვნაც ის არის, რომ საჭიროა კონსენსუსი. როგორ წარმოგიდგენიათ  ჩვენი პოლიტიკური სპექტრის კონსენსუსი?

- ვერ გამოდის ეს კონსენსუსი იმიტომ, რომ კლასიკური გაგებით პოლიტიკური პარტიები ვერ ჩამოყალიბდნენ, რომლის უკან საზოგადოების ნაწილი იქნება - თითოეულ პარტიას ეყოლება თავისი ამომრჩეველი, ანუ ძალა. პოლიტიკაში ანგარიში შეიძლება გაეწიოს მხოლოდ ძალას. ის, რაც არ არის ძალისმიერი, ანუ როცა პოლიტიკური ორგანიზაციის უკან პოლიტიკური ძალა არ დგას, რომელსაც შეუძლია შენს მცდარ ნაბიჯებზე მკაცრი რეაგირება მოახდინოს და პრობლემები შეგიქმნას, ვიღებთ იმგვარ სიტუაციას, რაც გვაქვს დღეს.

პოლიტიკური პარტიები არის მხოლოდ ნიუსებში და ტელევიზიაში ატეხილი ხმაური - რომ ვიღაცეები სადღაც იკრიბებიან, პროტესტს გამოთქვამენ და ა.შ.

რეალური პოლიტიკური ძალა, რომელსაც შეუძლია რაღაც საკითხი დასვას და გაიტანოს, ანდა მას ანგარიში გაეწიოს არ არსებობს. პოლიტიკური თვალსაზრისით ხელისუფლება სარგებლობს თავისი მდგომარეობით და არაშორსმჭვრეტელურად იქცევა.

„ნაციონალური მოძრაობისა“ და მისი მონათესავე პარტიების განცხადებებით, ამ კონსტიტუციის მიღებით ქვეყანა ჩიხში შედის, ევროპისკენ მიმავალ გზას იჭრის და ა.შ. გამომდინარე მათი განცხადებებიდან, რამდენად ობიექტურად ფასდება არსებულისიტუაცია?

- „ნაციონალური მოძრაობის“ ეს განცხადებები რბილად რომ ვთქვა - არასერიოზულია, ხისტად რომ ვთქვა - სასაცილოა. ჯერ ერთი, არავინ ევროპისკენ მიმავალ გზას არ იჭრის, ასეთი განცადებები არის უსუსური და პოლიკურად არშემდგარი.

რაც შეეხება ამ პოლიტიკურ ძალას, რომელმაც ქვეყანას თავზე დაამხო კონსტიტუცია, სამართალი და ყველაფერი, არ მგონია, რომ მის განცხადებებს რაიმე მნიშვნელობა ჰქონდეს.

ხელისუფლებამ რომ გაითვალისწინოს ოპოზიციის მოთხოვნები, ყველა, ვინც ხმაურობს, კმაყოფილი დარჩება და პრობლემაც ამოიწურება?

- დავუშვათ და, გაითვალისწინა ხელისუფლებამ ოპოზიციის მოთხოვნა... რატომ უნდა ვუყუროთ ამ არშემდგარი პარტიებით დაკომპლექტებულ პარლამენტს, რომელსაც ამ მოწყობაში არაფერი გამაწონასწორებელი არ ექნება და მთელ საკანონმდებლო ბერკეტს ხელში ჩაიგდებენ?! რატომ უნდა ვუყუროთ ამ წარმომადგენლებს, როდესაც არ არის რეგიონული ინტერესები, არ არის სახელმწიფო ინტერესები?

პარტიული ინტერესების დომინირება, როდესაც გამაწონასწორებელი და შემაკავებელი არაფერია, შეცდომაა. ამიტომ არის ოპოზიცია მცდარი თავის მოთხოვნებში.

პარლამენმტში მოხვედრა უდიდესი პასუხისმგებლობა და უდიდესი შრომაა. ეს არ არის რომელიღაც ჯგუფების კეთილდღეობისთვის მოსახვედრი ადგილი. ისეთი პარტიებით იქნება დაკომპლექტებული საკანონმდებლო ორგანო, რომელსაც განმკითხავი არავინ ეყოლება.

ხელისუფლებას რეფერენდუმზე რომ გამოჰქონდეს ეს საკითხი, ვერ შევედავებოდით, საზოგადოება დღეს არის მზად ამისათვის. ამას არ აკეთებს ხელისუფლება, სარგებლობს რა მდგომარეობით, რომელიც ხალხისგან მიიღო.პოლიტიკური ოპოზიციური სპექტრი კი აყენებს პოლიტიკურად არშემდგარ მოთხოვნებს, რ ომელსაც ქვეყნის მომავლისთვის არავითარი მნიშვნელობა არ აქვს. ასეთი სიტუაციაა და ამიტომაც გვაქვს ის, რაც გვაქვს.

 

ნანახია - 2144

ლაზი1

2017-09-08 14:27:35

საინტერესოა მსოფლიოში თუ არსებობს ერთი ცივილიზებული ქვეყანა მაინც (ე.წ. დემოკრატიებზე საუბარი არ არის), სადაც კონსტიტუცია სრული კონსენსუსით არის მიღებული.
აბა ვცადოთ და თითონ ამ ოპოზიციას მივცეთ ტექსტი დასაწერად, ვინმეს ჰგონია, რომ ერთმანეთში შეთანხმდებიან? რა თქმა უნდა ვერა!.
პროპორციული სისტემა საქართველოსათვის ახლა კი არა, არც 2024 წლისათვის არ არის მისაღები. კონსტიტუციური უმრავლესობის მქონე ხელისუფლებას უჭირს მართვის სრულად თავის თავზე აღება და 15 პარტიის კოალიცია რომ გახდება საჭირო, ისინი მოახერხებენ ქვეყნის მართვას?
ქვეყანაში სადაც, კლასიკური გაგებით, ორი პოლიტიკური პარტიაც კი არ არსებობს, რომელი პროპორციული სისტემით არჩევნებზეა საუბარი?
არც ბლოკებია მისაღები, რადგან ის მხოლოდ "კვალიფიციური პარტიის სტატუსის" მიმნიჭებელი ორგანოა, ხუთკაციანი პარტიებისათვის, რაც საკმაოდ ძვირად იყიდება, რადგან მერე სახელმწიფო უხდის ამ "კვალიფიციურებს" ბიუჯეტიდან გაცილებით მეტს.

მეგრელი

2017-09-08 14:37:55

ასეთი სიტუაციაა და ამიტომაც გვაქვს ის, რაც გვაქვს.
-----------------------------------------------------
https://ru.wikisource.org/wiki/%D0%9E_%D0%B4%D1%83%D1%85%D0%B5_%D0%B7%D0%B0%D0%BA%D0%BE%D0%BD%D0%BE%D0%B2_(%D0%9C%D0%BE%D0%BD%D1%82%D0%B5%D1%81%D0%BA%D1%8C%D1%91/%D0%93%D0%BE%D1%80%D0%BD%D1%84%D0%B5%D0%BB%D1%8C%D0%B4)

და ეს ყველაზე უფრო კარგად აქ წერია.



მეგრელი

2017-09-08 14:38:56

https://www.ozon.ru/context/detail/id/6148127/

აქაც

ფხიზელი

2017-09-08 17:17:43

"ცუდი კანონებითა და კარგი სახელმწიფო მოხელეებით სავსებით შესაძლებელია ნორმალურად მართო ქვეყანა. მაგრამ სახელმწიფო მოხელეები თუ არ გივარგა, ვერანაირი საუკეთესო კანონები ვერ გიშველის!" - ბისმარკი.

antoni

2017-09-08 18:40:21

შენ რომელ "შემდგარ" პარტიას წარმოადგენდი პარლამენტში?(რომლის გამო თვეში 560 ლარს იღებ)
ან რა გააკეთე იქ ყოფნისას? თუ გგონია იმ გამოთა/ყვანებულ აქუბარდიასთან სისულეელეებს რომ როშავ, ვინმეს სჯერა? ბოღმა და დილეტანტიზმია შენი ისტერიკა

Munji

2017-09-08 20:24:43

მრავალპარტიულ-მრავალფეროვანი პარლამენტი ისეთი უნდა, პუტჩისტების პარლამენტი რომ იყო... ვისაც კი მეგაფონით ზვიადისთვის დიქტატორი, ჩაუშესკუ ან პატარა ცახესი დაეძახნა, ყველა რომ მანდ შეყარეს, ნახირივით...
სარგებელი?

tngh

2017-09-08 20:34:29

რომელი საერთაშორისო ნორმით ან კანონით არის პროპორციული სისტემა დემოკრატიული და მაჟორიტარული ანტი დემოკრატიული. ჩემის აზრით ყველაზე დემოკრატიული სწორედაც, რომ შერეული სისტემაა, რადგან ამომრჩეველს ორი არჩევანის შესაძლებლობას აძლევა. აქვე დავამატებდი, 100/50-ზე პროპორცია საქართველოსთვის საუკეთესო იქნება...

ტორი

2017-09-08 21:13:44


tngh

"100/50-ზე პროპორცია საქართველოსთვის საუკეთესო იქნება"...
----------------

თუ იცით მიახლოებით მაინც, რა უჯდება სახელმწიფოს ერთი პარლამენტარი თავისი ტრანსპორტით, საწვავით, ხელფასით, სამდივნო-აპარატით და ა.შ?

საქართველოსთვის ოპტიმალური ვარიანტი 75 კაციანი პარლამენტი იქნებოდა...
ისიც იმ შემთხვევაში, თუ ამომრჩეველს უვარგისის გამოწვევა შეეძლებოდა...
თუ არადა, ახლა რომ არიან, ასეთები სულაც 50 რომ იყოს, რამეს წაადგება თუ რამეს
დააკლდება?
საქართველოსთვის კანონები ვენეციაში იწერება, სასამართლო ხელისუფლება-ბრიუსელსა და ჰააგაში ზის - სხედან, ეკონომიკა მსოფლიო ბანკსა და სავალუტო ფონდს აქვს ჩაბარებული, პოლიტიკურ საკითხებს ღუბერნატორი გვიგვარებს და ა.შ...
ერთი ტაშ-ფანდური დაგრჩა ჩვენ და ლახტობანა...

ტორი

2017-09-08 21:18:52

ამ საქმეს 150 გამოთაყვანებული რად უნდა? თანაც, აქედა მესამედი მაინც მავნებელია...

მაგრამ, გასდით და რატომაც არა...

papa

2017-09-08 21:51:37

მე თუ მკითხავ ...პატალოკი 100 კაცი
უნდა იყვნენ კანონშემომქმედი ხალხი...მაქს 40 კაცი (ეს რაღაც ძაან დიდი პატივია მათთვის...უფ.. როგორ ჟღერს.... კანონშემომქმედი!) და ე.წ. მაჟორიტარები(ნაღდად
გამოწვევის კანონით) ოღონდ რეგიონებს ცოტა გავამსხვილებდი და ჰააა... ჰაა ... 60 კაცი
პროპორციულს კი საერთოდ გავაუქმებდი
ისე კი რის მაქნისები არიან .... ან ერთნი და ან მეორენი?
იმ სეროჟასი არ იყოს--- ბორჯომს მეც დავლევ და სეკრეტარშას მეც მივასეკრეტარშებო...
მასე ხომ ყველაც იდერეხხხხტორებს??
ესენი კიდევ ბენზინს წვავენ(დიდი რაოდენობით) თანაც ჰაერს აფუჭებენ

papa

2017-09-08 21:52:28

საქართველოსთვის კანონები ვენეციაში იწერება, სასამართლო ხელისუფლება-ბრიუსელსა და ჰააგაში ზის - სხედან, ეკონომიკა მსოფლიო ბანკსა და სავალუტო ფონდს აქვს ჩაბარებული, პოლიტიკურ საკითხებს ღუბერნატორი გვიგვარებს და ა.შ...
ერთი ტაშ-ფანდური დაგრჩა ჩვენ და ლახტობანა...


ზუსტია ზუსტი!!!!

Maverick

2017-09-08 22:17:32

ფეოდალურ-კომუნისტურ წარსულში ჩარჩენილმა, არშემდგარმა მდიდარ მამა-მარჩენალებს, ბანკირებს გამორჩენისათვის მიტმასნილმა პოლიტიკანებმა, 5-13 კაციანმა კუტოკ, კოდლა „პარტიებმა“, მეგრანტე ასო-ებმა და „საზოგადოებრივმა“ ორგანიზაციებმა ხელში ჩაიგდეს მონოპოლიური უფლებები ქვეყნის მართვაზე, რომლსაც ყოველგვარი საშუალებით ეჭიდებიან და არ სურთ ქვეყნის რეალურ მფლობელის, შემნახველისა და მარჩენალისათვის ამ სადავეების უკან დაბრუნება...

ეს არის მათი მუცლისგვრემის მიზეზი!

ფხიზელი

2017-09-08 23:25:21

ტორი,
აბა,რას ამბობ! - სად კინკილა 50 დეპუტატის მიერ მიღებული და სად 230 სახალხო რჩეულის მიერ ერთხმად, სრული კონსენსუსითა და საზეიმოდ მიღებული კანონი ბუსუსებიანი პრეზერვატივების შესახებ!..

ტორი

2017-09-09 08:50:33

თემას არ ეხება, მაგრამ მნიშვნელოვანია:
როგორც თავად განაცხადა, 10 სექტემბერს დორბლიანი აპირებს უკრაინაში დაბრუნებას...
იქ ისეთი ამბავია ატეხილი, ეს საქმე კარგა გრძელი შლეიფის გარეშე არ ჩაივლის...
უკრაინელებმა უკვე დაარქვეს ამ აქციას "მიხოს მაიდანი"...

იქ თუ ფეხი ჩადგა, შემდეგი მაიდანი საქართველოში იქნება...


antoni

2017-09-09 09:41:22

იდეალური ვარიანტია ორპალატიანი პარლამენტი - ქვედა პალატა პროპორციული წესით, ზედა პალატა კი მაჟორიტარულით არჩეული. რახან ამის ფუფუნება არ გვაქვს, ისევ შერეული ჯობს, მაჟორიტარულზე კანონის დახვეწით.
ჩვენს უნიჭო პოლიტელიტას პროპორციული უნდა, რომ ვინმეს ჩაებას და გაძვრეს; მაგალითი? - მომავალ არჩევნებისთვის ნაცებმა (მეცოცხეები) ბლოკი შექმნეს მალაშხიას პარტიასთან და ედპ-სთან (ბ ქარდავა) საპარლამენტოს შემთხვევაში ესაა მალაშხიას, ქარდავას, დავითაიას, ხარატიშვილის და მათნაირების შანსი; ისინი ხომ თავიანთი ტ/რაკით პარლამენტში 100 წელი ვერ შევლენ!

antoni

2017-09-09 09:46:22

დორბლიანზე: მიშა ისეთი კურდღელია, ჩემი ღრმა რწმენით საზღვარს არ გადმოკვეთს; ახლოს მივა, რაღაცას იჯლოყინებს და გაბრუნდება. თუ დააპირებს გადმოსვლას, მესაზღვრე მიწოდებულ პასპორტს ჩამოართმევს, როგორც უმოქმედოს, გაუქმებულს და თუ მაინც გადმოაბიჯებს, საზღვრის უკანონო კვეთაზე დაიჭერენ
დავიჯერო ამას მფორთხავ-მღეჭავი ვერ ხვდება?
ყველაფერი ეს დორბლიანის სატივტივოდაა აგორებული (პოლიტიკურად სატივტივოდ, თორემ ის წყალში არ იძირება)

natali

2017-09-09 10:14:11

მე კი მგონია, რომ მიშა პუტინის ბოლო დაკვეთას ასრულებს. ზუსტად მაგისი იმედი აქვს. გადავა, დაიჭერენ და გამოგვიგზავნიან.უკრაინაშიც უკმაყოფილება გაიზრდება და აქაც დიდი არეულობა იქნება. ისიც იციან, ნაცებს მხარდამჭერები რომ დაეფანტათ. მხოლოდ მიშას მხარდამჭერები კი ძალიან ცოტანი არიან. მაგრამ მთავარია ნაპერწკალი გაღვივდეს. ისიც იციან, რომ ხალხი ისეა გამწარებული, ერთიანად გადაუვლით იმათაც და ამათაც.დიდი არეულობა დაიწყება და ერთი ყლუპით გადაგვყლაპავს რუსეთი. მერე სააკაშვილი ევროპაში გაიქცევა, აუცილებლად გაუშვებს პუტინი და იყვირებს, აი ივანიშვილმა შეასრულა პუტინის დავალება, მე კი რუსეთისგან დევნილი პრეზიდენტი ვარო.
მაგრამ... არ მგონია მე რომ ამერიკელებს მიშა და მისი მომხრე ევროპელი პოლიტიკოსები გაშიფრულები არ ჰყავდეთ. ალიევის ამბების კუდებიც მანდ უნდა იყოს დამარხული. ალბათ ზოგი ამერიკელიცაა გარეული, მაგრამ იმათზე ხმას არ ამოიღებენ. ვფიქრობ, რომ პუტინის და მიშას ამ გეგმას ამერიკელები სათავისოდ შეატრიალებენ. არა მგონია ამერიკამ საქართველო რუსეთს დაუთმოს.

abdushahili

2017-09-09 22:56:16

ტორი, სრულ ჭეშმარიტებას ღაღადებთ ძმაო ჩემო.

arichopra 2

2017-09-09 23:38:19

მარტალი ხარ გიორხელიძე თემურ (ამდენი თემური უზბეკეთში, თემურ ლენგის სამშობლოში არ ჰქვიათ!!!), რატომ უნდა ვუყუროთ ამ არშემდგარი პარტიებით დაკომპლექტებულ პარლამენტს?! არა, არამც და არამც არ უნდა ვუყუროთ! ასე 20 წლით უნდა გამოცხადდეს მორატორიუმი პოლიტიკური პარტიების არსებობაზე. საზღვარგარეთიდან დაფინანსებული პოლიტიკაში მონაწილე ასო-ები უნდა გამოცხადდნენ კანონგარეშეთ, ხოლო წევრბი უნდა დაექვემდებარონ ლინჩის წესით გასამართლებას!

Maverick

2017-09-09 23:58:27

ჩოპრა,

ლინჩის წესით როგორ?

კაცები ასო-ებით ჩამოვკიდოთ, ქალები კი ასო-ებზე?!

„გრცხვენოდეს“!

papa

2017-09-10 00:31:15

ჩოპრა გამარჯობა

სამარყანდში მაგ თემურ ლენგის საფლავთან 980 წელს კინაღამ ფათარაკი შემემთხვა....
..ქართულად მასზე ,,რაღაც,, ვთქვი და იქაურმა სომე/ხ/მა ჩამიშვა,(ბლომად არიან) ისევ ახლობელმა უზბეკმა გამომაძვრინა სიტუაციიდან...

papa

2017-09-10 00:38:45

ეხ.... ნატალი,... ნატალი...


მე და შენ ურთიერთ საპირისპირო ავადმყოფობა გვჭირს..მე ყველგან კოლუმბი მელანდება შენ კიდევ პუტინი..
..რა ქენი ბიდონებიანი პუტინი ვერ დაიჭირეეეს....

ისე კი .... შენ რაღაც მეგობრების დემოკრატიაში ეჭვი შეგაქვს .... რაშია საქმე??

papa

2017-09-10 00:45:34

ტორი..... აბდუშაჰილი....
ჩვენი ძველი იუზერი ,,ჯუზეპე,, ორივეს გემახსოვრებათ, სმერტელნი პრიომი--ლოზუნგი იცოდა ..ხოოდა იმან დაგვიტოვა ლოზუნგი..
,,მიშა ვერ დაბრუნდება,, ...... და ვეღარც მაიდანს მოგვიწყობს... ..დაჟე ტრამპიც რომ ჩამოვიდეს მაგის მიტინგზე.

papa

2017-09-10 00:46:08

ეგ კბილები მოვიცვალეთ უკვე

papa

2017-09-10 00:49:58

სუბარისა უფრო მჯერა, ხშირად რომ იმეორებს--- ბოლოს მაგას მატროსოვზე ვნახავთო..

ტორი

2017-09-10 22:08:56

papa
"სუბარისა უფრო მჯერა, ხშირად რომ იმეორებს--- ბოლოს მაგას მატროსოვზე ვნახავთო"...
-----------------------------------------------
პაპა, შენს პირს თაფლი და კაი კახური პურმარილი...
მაგრამ, სუბარის იმიტომ გჯერა, რომ ჩვენ ყველას ეგ სიმართლე გვინდა დავიჯეროთ:)))...
ფაქტები კიდევ სხვაა...
აბა ნახე: ეს უპასპორტო და უთვისტომო:))) კაცი რამდენი ქვეყნის კანონს არღვევს - ჯერ ამერიკაში იყო, იქიდამ ევროპა მოიარა და ახლა პროვოკაციულად უკრაინაში შესვლას აპირებს...
მაგას რომ ძააააალიან მაგარი მფარველები არ ჰყავდეს, ამას მოახერხებდა? ჩვეულებრივ მოკვდავს პირველივე საზღვარზე გასკვანჭავდნენ და სამუდამო "ნევიეზდნოის" მიარჭობდნენ...
მაგის მფარველები კი ვინ არიან? აი, ისინი, ვინც ტრ/ამპს "შიდაპატიმრობა" მიუსაჯა და მსოფლიოში უძლიერესი სახელმწიფოს ლიდერი არაპროგნოზირებად კლოუნად აქცია...
ჩვენ ვინღა გვითხავს ვინმეს მოყვანა-წაყვანას?

დორბლიანის საკითხი ცალკე არ უნდა შევაფასოთ...ის დიიიიდი ჯაჭვის ერთი რგოლია..
როგორც ჩანს, სადღაც გადაწყვიტეს, რომ დროა რუსეთის გარშემო დიდი ჭიაკოკონა ააგიზგიზონ...

უკრაინასა და ბალტიისპირეთში ყველაფერი მზად არის, ჩრდილოეთ კორე, რომელსაც ასევე საზღვარი აქვს რუსეთთან, კი ხედავ, რა დღეშია...ახლა კავკასიასა და შუა აზიაში უნდა დაასხან ცეცხლზე ნავთი - ბოლო ორი თვეა, რუსეთ-ტაჯიკეთის საძღვარზე "დაძაბული" მდგომარეობაა...ამას რუსეთთან ღიად დაპირისპირებული საქართველო უნდა დაემატოს - დღევანდელი პროამერიკული, მაგრამ არაიდიოტი ხელისუფლება ამ მოთხოვნილებებს ვერ აკმაყოფილებს...

ახლახანს კი პუტინმა პერიმეტრი ჩართო...
ეს სპეციალური სისტემაა, რომელიც, რუსეთზე ბირთვული თავდასხმისას ხელისუფლების განადგურების შემთხვევაში ავტომატურ რეჟიმში იწყებს დაპროგრამებული სამიზნეების განადგურებას...და ეს თავად რუსებმა გააბაზრეს - პრევენციისთვის, რამე არ შეგეშალოთო...ეტ/ყობა, საფრთხე იმდენად სერიოზული იყო, რომ უკანასკნელ ღონეს მიმართეს...

მატროსოვსეც რომ ჩასვან დორბლიანი, მერე რაა?
ვინმე დანაშაულს დაუმტკიცებს /დაამტკიცებინებენ/ თუ რა?

რამდენ აშკარად სისხლის სამართლის დამნაშავეს მისცეს პოლიტიკური თავშესაფარი ევროპაში? რუსთავი2? ერთმა შათლახმა მოსამართლემ ყველას ვეტო დაგვადო:)))ვინმემ ხმა ამოუღო?

ჰოოოდა, მე ისე მგონია, რომ

ტორი

2017-09-10 22:36:01

სერაპინას და ნატალის მალე აუხდებათ ნატვრა:))

ფხიზელი

2017-09-11 16:52:43


ტორი:
http://www.interpressnews.ge/photo/2015_02/0-00-1AMART-2017/melia_88a84.jpg
"მატროსოვსეც რომ ჩასვან დორბლიანი, მერე რაა?
ვინმე დანაშაულს დაუმტკიცებს /დაამტკიცებინებენ/ თუ რა?"
------------------

მეტი არ იქნა ჩემი მტერი!
გოგი წულაიას ყბადაღებული ფრაზისა არ იყოს ("დროშა ვერ აღმართენ...") - კეზერაშვილს ვერ დაუმტკიცენ, ბიჭო, დანაშაული ამ შო ბელ ძაღ ლებმა, კეზერაშვიიილს!..

"ნაციონალური მოძრაობის“ ერთ-ერთი ლიდერის ნიკა მელიას განცხადებით, დავით კეზერაშვილმა, რომელმაც „ყაჩაღობით, ქურდობით და ძარცვით იშოვა ფული, დღეს „"ევროპულ საქართველოს“ აფინანსებს" (ინტერპრესნიუსი).

ვინმე წარმოიდგენდა, რომ ნიკა მელია საჯაროდ გამოვიდოდა ამ ბრალდებით და ქოცების სასამართლო კეზერაშვილს დამცველად დაუდგებოდა?! - არაო, კეზერაშვილი სრულიად უდანაშაულოა და ჩვენ მასთან პრეტენზია არა გვაქვსო!

ახლა, სიტYვაზე, მიშას სასამართლო რომ შესდგეს და მასმედიამ ყური მოჰკრას ერთ დეტალს - ლეხ ვალენსას საფლავზე გასაგზავნი გვირგვინის ფულს ედავებიან სააკაშვილსო... ხომ წარმოგიდგენიათ, რა ამბავი ატYდება!.. - ნახევარ დღეში მსოფლიოს მოივლის ეს სენსაცია და საყოველთაო დაცინვის ობიექტად ვიქცევით!.. კაციშვილი არ დაინტერესდება, კიდევ რა ბრალდებები არსებობს ექსპრეზიდენტის მიმართ!
ამიტომ ვიმეორებ: ვინც ასეთი დეტალები შეიტანა სააკაშვილის დანაშაულობათა ნუსხაში, ან ჭკვიანი ნაცია, რომელმაც იცის, რასაც აკეთებს, ან ბრიყვი ქოცი, რომელიც აზრზე არ არის, რას აკეთებს!

natali

2017-09-11 23:18:07

ამ პიჯაკების საქმე რომ ჩაიხვიეს და ხალხს ადურაკებენ, იცით რომ მაგ გვირგვინებში და მიშას კოსმეტიკაში 9 მილიონსმდეა დახარჯული? მგონი სულაც არაა სასაცილო. ესენი დებილები არიან, არ აგებინებენ ხალხს წესიერად ყველაფერს.

ფხიზელი

2017-09-12 02:59:27

კარგი, natali, შენს გაზრდას! :)))
9 მილიონი არა, 9 მილიარდი იქნება ნამდვილად!
იუშჩენკოს ვიზიტის დროს სასტუმროში მისთვის დადებული კბილის პასტა და საპონი რომ ეწერა ანგარიშში, რამდენი იყო?
მე როგორც მახსოვს, სადღაც 5 ლარამდე.
არ მოიგაჩნია სამარცხვინოდ, ეს კაპიკები წაუყენონ ბრალდებად კაცს, რომელსაც სამშობლოს დაქცევას ედავებიან?
ხომ აგვიგდო მასხრად მთელმა მსოფლიომ!..

natali

2017-09-12 08:42:02

http://primetime.ge/news/1505114227-EXCLხეილ-სააკაშვილს

რეგისტრაცია

დახურვა
სახელი:

პაროლი:

გაიმეორეთ პაროლი:


სარეკლამო ბანერი
1000 X 80